26 Верасень, серада

Вы тут

Як працуе найлепшы ўчастковы інспектар міліцыі Мінскай вобласці


Сяргей Амінаў служыць у органах унутраных спраў ужо практычна 25 гадоў. І яго паслужны спіс сапраўды ўражвае: ад радавога міліцыянера страявога аддзела аховы, міліцыянера-кінолага, камандзіра аддзялення і ўзвода да оперупаўнаважанага аддзялення па наркакантролі і супрацьдзеянні гандлю людзьмі. На пасадзе старшага ўчастковага інспектара міліцыі аддзялення аховы правапарадку і прафілактыкі аддзела ўнутраных спраў Маладзечанскага райвыканкама Сяргей Амінаў з 2010 года. Прычым, у 2016 і 2017 гадах ён быў прызнаны найлепшым участковым інспектарам Мінскай вобласці. У чым сакрэт прафесіяналізму, мы высветлілі ў тытулаванага інспектара асабіста.


Участ­ко­вы ін­спек­тар ра­зам з аг­ра­но­мам- на­сен­ня­во­дам Аляк­се­ем Раў­ко і за­гад­чы­цай зер­ня­комп­лек­су Зі­на­і­дай Ру­дзя­нок аб­мяр­коў­ва­юць ход убо­рач­най кам­па­ніі ў ААТ «Ус­ход-Аг­ра».

Каб жыццё дзяцей было лепшае, чым у іх бацькоў...

Вотчына Сяргея Амінава — Мясоцкі сельскі Савет. Адзін з самых буйных у раёне, працягласць ад крайніх пунктаў больш за 27 кіламетраў. Да таго ж у мясцовасці ёсць свае асаблівасці. Значная частка тэрыторыі сельсавета размешчана паблізу чыгуначных шляхоў, тут шмат садовых таварыстваў — адзін з любімых напрамкаў мінчан для дачнага адпачынку. Усяго ж на тэрыторыі сельскага Савета пастаянна пражывае 2,5 тысячы чалавек, самыя буйныя населеныя пункты — аграгарадок Выверы, пасёлак Сасновы Бор, вёскі Мясата, Гранічы.

— Калі я толькі прыйшоў сюды на пасаду ўчастковага інспектара, першы час літаральна жыў на рабоце. Сітуацыя была вельмі складаная: у многіх дварах меліся самагонныя апараты, людзі выраблялі няякасны алкаголь, прадавалі яго, співаліся. Гэта адбівалася на іх здароўі і прыводзіла да ранняга сыходу з жыцця. Змагацца прыйшлося грунтоўна і доўга. Але цяпер праблема незаконнай вытворчасці алкаголю, на шчасце, вырашана, — успамінае Сяргей Амінаў.

Наогул абстаноўку ў сельскім савеце можна назваць досыць спрыяльнай. Паказчык колькасці зваротаў па сямейна-бытавых скандалах адзін з самых нізкіх у раёне. Аднак ва ўсіх правілах сустракаюцца выключэнні. Праблемных жыхароў участковы інспектар, натуральна, ведае асабіста. Прычым не толькі тое, якія правапарушэнні яны здзейснілі, але і тое, як прыйшлі да такога жыцця.

Да кожнага з іх Сяргей Амінаў стараецца знайсці свой падыход, але калі павучанні не дапамагаюць, у ход ідуць адміністрацыйныя рэсурсы. У першую чаргу ўвага ўдзяляецца ўтрыманню дзяцей. Да ўмоваў іх выхавання ў Сяргея Альбертавіча асаблівыя адносіны: дзеці не павінны бачыць п'яныя вячоркі сваіх бацькоў. Калі падобная практыка не спыняецца — малых для іх жа карысці з сям'і забіраюць.

— Памятаю, быў выпадак, калі групу тэрмінова выклікалі на месца здарэння, у той жа час трэба было хутка забраць дзіця з сям'і — маці арганізавала дома прытон. Памятаю прыйшоў, схапіў дзіця і выбег насустрач хуткай дапамозе. За мной некалькі моцна падпітых «сяброў» гэтай маці кінуліся. І з імі разабрацца не магу — дзіця спалоханае на руках дрыжыць, і пакінуць так як ёсць таксама. Балазе, медыкі дабраліся хутка, перадаў ім дзіця і зноў бягом назад — праводзіць разбіральніцтвы з кампаніяй, — расказвае міліцыянер.

Сяр­гей Амі­наў з на­чаль­ні­кам дзі­ця­ча­га азда­раў­лен­ча­га ла­ге­ра «Ляс­ны» Люд­мі­лай Хур­сан га­во­раць аб пад­тры­ман­ні бяс­пе­кі на тэ­ры­то­рыі ла­ге­ра.

Сямейныя таямніцы

Наогул разбіральніцтвы ва ўнутрысямейных адносінах — адзін з самых цяжкіх складнікаў працы ўчастковага інспектара. Па-першае, часта ахвяры хатняга гвалту не хочуць, каб тое, што адбываецца за зачыненымі дзвярыма іх дома, станавілася вядома яшчэ каму-небудзь. Па-другое, нават калі скардзяцца, то потым хутка мірацца і прыходзяць забіраць заяву, маўляў, з якім нажом ён на мяне кідаўся, так, трошкі пасварыліся. Па-трэцяе, прыходзіцца выслухоўваць усе падрабязнасці асабістага жыцця. Часам даходзіць да абсурду. Так у дзень нашай сустрэчы на парадку дня — скарга цешчы на свайго зяця: жанчына хоча, каб ён з'ехаў з хаты, дзе жыве разам з яе дачкой. Праўда, дом аформлены на дачку, маці ў ім нават не прапісана, а адносіны паміж самімі мужам і жонкай цудоўныя. Зразумеўшы, што ўгаворы не дзейнічаюць, жанчына вырашыла разыграць з сябе ахвяру, нібыта зяць хацеў на яе напасці. Ва ўсёй гэтай сітуацыі і трэба будзе разабрацца Сяргею Альбертавічу. Па меншай меры, супакоіць нядобразычліва настроеную цешчу.

Аднак часцей пажылыя людзі, з прычыны сваёй даверлівасці, становяцца не абвінаваўцамі, а ахвярамі. Так, у маі ў адным з садовых таварыстваў адбыўся выпадак. Пажылы мужчына вырашыў наняць для сябе памочніка па гаспадарцы. Усё што ведаў пра яго — толькі імя. Гэта дазволіла ім паспяхова папрацаваць тры дні, пажылы мужчына нарадавацца не мог, пасля чаго гора-працаўнік знік, прыхапіўшы з сабой немалую суму грошай, дарагога сабаку і пнеўматычны пісталет. Дарэчы, менавіта выгляд сабакі і дапамог хутка ўстанавіць зламыснікаў. Як расказаў Сяргей Амінаў, інфармацыя пра тое, як можна з ім звязацца, ёсць на ўсіх прыпыначных пунктах, цесна наладжана сувязь і з іх работнікамі. Даведаўшыся пра здарэнне, участковаму інспектару патэлефанавала дыспетчар адной са станцый, заўважыўшы на пероне падазроных мужчын з дагледжаным сабачкам. Участковы інспектар тут жа адправіўся да названага месца, ужо пры пад'ездзе да якога ўбачыў электрычку, што хутка неслася ў бок Мінска. Але, аказалася, што шанцам уцячы злачынцы нават не думалі скарыстацца — занадта «добра» сябе адчувалі, выдаткаваўшы частку грошай у найбліжэйшай краме. У гэтай гісторыі настаў хэпіэнд. Тым не менш, каб падобных прэцэдэнтаў не было ў прынцыпе, Сяргей Амінаў стараецца як мага часцей праводзіць прафілактычныя гутаркі з пажылымі людзьмі, робіць усё магчымае, каб іх засцерагчы.

Натхняюць перамены да лепшага

Увогуле ўчастковы інспектар імкнеца дзейнічаць на апярэджанне. Шмат кантактуе з кіраўніцтвам прадпрыемстваў, размешчаных у сельскім Савеце, каб даведацца, хто з работнікаў пакутуе ад алкагольнай залежнасці і лішні раз нанесці яму нечаканы візіт. Працягваць працаваць у гэтай няпростай сферы Сяргея Амінава натхняюць выпадкі выпраўлення яго падапечных. Так, напрыклад, было з маладой жанчынай, якая доўгі час вяла абсалютна асацыяльны лад жыцця, пры тым, што да таго моманту ўжо паспела стаць мамай. Пасля шматлікіх просьбаў і ўгавораў у адзін момант проста як адрэзала — закадзіравалася, выйшла замуж, клапоціцца пра дзяцей. Двор — люба паглядзець.

— І як тут не паверыць, што ўсё прыносіць свой плён? Наогул у зносінах з мясцовымі жыхарамі я імкнуся пазбягаць асуджэння. Заўсёды стараюся ў думках паставіць сябе на месца таго, хто да мяне звярнуўся. А чаму так адбылося? Як можна змяніць сітуацыю? Што асабіста я магу зрабіць, каб дапамагчы чалавеку? — разважае Сяргей Амінаў.

На час нашай паездкі запланавана наведванне зернякомплексу ААТ «Усход-Агра» і дзіцячага аздараўленчага летніка «Лясны». Тое, што словы ўчастковага інспектара не разыходзяцца са справамі бачна па тым, што ўсюды да яго звяртаюцца са сваімі просьбамі і пытаннямі. Работай участковага інспектара ў сельскім Савеце вельмі задаволеныя. Старшыня Мясоцкага сельскага выканаўчага камітэта Алег ГОРБАЧ адзначае, што за час службы тут Сяргея Амінава стала значна спакайней. Міліцыянера не тое што апасаюцца — паважаюць, таму не хочуць лішні раз падрываць яго давер.

— Ведаеце, за гады службы я зразумеў, што самае страшнае — гэта абыякавасць. Калі цябе абсалютна не хвалюе, што адбываецца па-за межамі твайго дома, калі ты гатовы цярпець катаванні, абы не стаяць перад неабходнасцю прымаць рашэнні, ці калі ты выконваеш сваю работу проста «для галачкі». Я стараюся ў сабе падаўляць любыя праявы такога падыходу і імкнуся даносіць іншым, што рабіць гэта неабходна, — падводзіць вынік участковы інспектар, для якога служба — гэта не толькі абавязак, але і прызванне.

Дар'я КАСКО

Загаловак у газеце: «Заўсёды стараюся ў думках паставіць сябе на месца таго, хто да мяне звярнуўся»

Дадаць каментар

Выбар рэдакцыі

Палітыка

Уладзімір Андрэйчанка расказаў пра найбольш значныя законапраекты

Уладзімір Андрэйчанка расказаў пра найбольш значныя законапраекты

 «Толькі агульнымі намаганнямі мы зможам супрацьстаяць няпростым выклікам часу».

Грамадства

Як у Беларусі абясшкоджваюць боепрыпасы

Як у Беларусі абясшкоджваюць боепрыпасы

​Колішняя Беларуская ваенная акруга лічылася адной з самых магутных у СССР.

Грамадства

Шчырая размова з вядомым педагогам пра бацькоўскія сумненні і страхі

Шчырая размова з вядомым педагогам пра бацькоўскія сумненні і страхі

«Калі ў вас адкрыўся рот, каб накрычаць на дзіця, спыніцеся хоць на секунду…» 

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі.