22 Верасень, субота

Вы тут

Інтарэс да глыбінкі


У Віцебскай вобласці больш за 6,2 тысячы населеных пунктаў - самая вялікая колькасць у рэспубліцы. І мясцовая ўлада ў кожным, незалежна ад колькасці жыхароў, абавязана стварыць годныя ўмовы для пражывання. Гэта тычыцца і арганізацыі гандлёвага і забяспечвання і бытавога абслугоўвання


Бадай, не галоўная праблема…

У адным з інтэрв’ю для “МС” старшыня Віцебскага  абласнога Савета дэпутатаў Уладзімір Цярэнцьеў, удакладніў, што прыкладна трэць з больш чым 6 тысяч вёсак — маланаселеныя і аддаленыя. У каля 2 тысячах - да 10 чалавек, а ў 2/3 -- колькасць жыхароў не перавышае 50 чалавек! Іх усіх трэба забяспечыць таварамі і паслугамі.

У глыбінку па графіку прыязджаюць крамы на колах, у тым ліку і камерцыйныя. Плюс - перасоўныя “бытоўкі”, паштовыя аддзяленні і бібліятэкі.

Пра тое, што ў Віцебскай вобласці гандаль у глыбінцы тэма не востра праблемная, напэўна, можна судзіць і па параўнальна невялікай колькасці зваротаў “на прамыя лініі” ў Віцебскі аблвыканкам.

Але, канешне, і яны бываюць. Напрыклад, напрыканцы красавіка на сувязі быў губернатар Мікалай Шарснёў. І некалькі жыхароў Аршанскага раёна сказалі, што турбуюцца з-за таго, што зачыняюцца крамы райпа.

На сёння замест іх -- гандлёвыя аб’екты і мабільныя крамы аднаго з буйных сеткавых гандлёвых аператараў (“Еўраапт”). Аўтару гэтых радкоў не раз у апошні час давялося пабываць у камандзіроўках у раёне. У прыватнасці, у населеных пунктах на тэрыторыі Пішчалаўскага сельсавета. І падчас размоў з тутэйшымі, напрыклад, са старшынёй сельскага выканкама Таццянай Ждановіч,  не пачуў ніякіх нараканняў. Наадварот, людзі задаволеныя. Чакаюць адкрыцця новых крам, як свята. І, вядома, фірменныя крамы на колах даедуць, куды трэба.

Спажывецкая - не значыць не канкурэнт!

Між іншым, у вобласці ў цэлым на сістэме спажывецкай кааперацыі, як той сказаў, крыж не ставяць.

“МС”, паведамляла пра тое, што ў Пастаўскім раёне сёлета ўпершыню на сенатарскім узроўні абмяркоўваліся пытанні дзейнасці сістэмы спажывецкай кааперацыі. Гэта тэма была павесткай дня падчас выязнога пасяджэння Савета па ўзаемадзеянні органаў мясцовага самакіравання пры Савеце Рэспублікі і праўлення Белкаапсаюза.

Як тады адзначыў старшыня савета Аляксандр Папкоў, на долю спажывецкай кааперацыі ва ўсім таваразвароце краіны прыходзіцца каля 7 %, там працуюць больш за 60 тысяч чалавек…

Пастаўскі вопыт дзейнасці райпа-- доказ таго, што яна можа быць эфектыўнай. І нават канкурыраваць з “Еўраапт”, “ Суседзі”, “Карона”. І пры гэтым пастаўляць ім прадукцыю. А выбар апошняй багатай: дары лесу, агародніна, сокі, мясныя і хлебабулачныя вырабы і гэтак далей.

Вельмі шырокая геаграфія экспартных паставак. Напрыклад, квашаную  капусту з Пастаў з задавальненнем купляюць нават на Сахаліне, а каўбасы ўласнай вытворчасці -- у Прыбалтыцы. 

Старшыня Савета Рэспублікі Нацыянальнага Сходу Рэспублікі Беларусь Міхаіл Мясніковіч падкрэсліў на пасяджэнні, што трэба памятаць пра неабходнасць добрага гандлёвага абслугоўванне людзей, якія, як мовяць, жывуць далёка “ад цывілізацыі”. І неабходна распрацаваць алгарытм падтрымкі тых, хто гэтым займаецца, ці будзе. Бо, зразумела, такія маршруты стратныя. Але сацыяльная адказнасць для нас -- гэта практыка з першых дзён існавання краіны, ад якой мы ніколі не адмовімся. І ўсё больш прыкладаў плённага партнёрства ў гэтым пытанні бізнесу і дзяржаўных структур.

Пра інтэграцыі і бізнес

На слыху тое, што зроблена і робіцца ў Віцебскай вобласці для стварэння інтэграцыйных структур у аграрна-прамысловым комплексе. Старшыня Віцебскага аблвыканкама Мікалай Шарснёў не раз распавядаў пра гэта землякам на розных мерапрыемствах, асобна -- прадстаўнікам СМІ.

Пры стварэнні такіх сучасных сельскагаспадарчых-вытворчых “комплексаў”, якія працуюць па схеме “ад поля да прылаўка”, не забываюць і пра фірменны гандаль. Зразумела, калі структура сама збірае ўраджай, адкормлівае скаціну, птушак, потым яшчэ і рэалізуе прадукцыю, будуць памяншацца выдаткі і “накруткі”. І гэта адбіваецца станоўча на канчатковай цане тавараў.  Інтэграцыя яднае гаспадаркі, камбінаты хлебапрадуктаў, прадпрыемствы мяса-малочнай галіны…

У перспектыве -- стварэнне адзінага “рэгулятара”, які зможа аб’яднаць усіх аграрыяў і перапрацоўшчыкаў Прыдзвіння. А фірменная сетка Віцебшчыны дазволіць канкурыраваць са згаданымі вышэй вядомымі рытэйлерамі (у перакладзе з англійскай -- “рознічны гандаль”). Плюс будзе магчымасць паспяхова экспартаваць, укладваць грошы ў развіццё.

У выніку стратны гандаль у маланаселенай глыбінцы не будзе “галаўным болем”. І лёгка стане “кампенсавацца дывідэндамі” ў іншых месцах дзейнасці, кірунках...

Дзеля таго, каб актывізаваць гандаль  і аказанне паслуг у перыферыі, быў падпісаны прэзідэнцкі Указ № 345. І пасля прынятага аблсаветам адпаведнага рашэння, ў каля 90 % населеных пунктах вобласці магчыма атрымліваць значныя падатковыя і іншыя прэферэнцыі. Напрыклад, можна без аўкцыёнаў купляць будынкі, каб адкрыць крамы і іншае.

Канешне, гандаль і “бытоўка” у глыбінцы яшчэ не працуюць, як “швейцарскія гадзіннікі”. Але пытанню ўдзяляецца ўвага на розных узроўнях улады: ад прадстаўнічай да афіцыйнага Мінска. І гэта -- гарантыя таго, што сітуацыя пад кантролем. І пастаўлена канкрэтная задача: кожны беларус, дзе б ён не жыў у краіне, мае права на годнае гандлёвае і бытавое абслугоўванне.

Аляксандр ПУКШАНСКІ

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.