Вы тут

З палёў убралі больш за два мільёны тон збожжа


Паводле аператыўнай інфармацыі Міністэрства сельскай гаспадаркі і харчавання, усяго збожжавыя і зернебабовыя культуры сабраныя з 33,4 % пасяўных плошчаў, або з 713,7 тысячы га. Сярэдняя ўраджайнасць па краіне склала 29 ц/га.


Сітуацыя на ніве

Лідарам жніва з'яўляецца Брэсцкая вобласць, дзе намалацілі 663,9 тысячы тон збожжа. Збожжавыя культуры там убралі з 66,4 % плошчаў. На другім месцы — аграрыі Гродзеншчыны, якім удалося сабраць 530,2 тысячы тон збожжа. Замыкаюць тройку лідараў сельгасарганізацыі Мінскай вобласці з намалотам у 487,1 тысячы тон збожжавых. Далей ідуць хлебаробы Гомельшчыны, якія сабралі 193,6 тысячы тон збожжа. У Віцебскай і Магілёўскай абласцях з палёў убралі 117,4 тысячы тон і 77,4 тысячы тон збожжавых і зернебабовых культур адпаведна. Першая па ўраджайнасці Гродзенская вобласць — там намалот у сярэднім складае 31,2 ц/га. Найбольш актыўна на сёння ідзе работа ў паўднёвых рэгіёнах — Брэсцкай і Гомельскай абласцях, у Віцебскай жніво толькі пачалося: збожжа ў асноўным яшчэ зялёнае. Аналагічная сітуацыя ў Магілёўскай вобласці.

Сіл і сродкаў хопіць

Напярэдадні ў Віцебску міністр сельскай гаспадаркі і харчавання Леанід Заяц заявіў, што ў гаспадарках краіны дастаткова сіл і сродкаў для правядзення эфектыўнай уборачнай кампаніі.

«У арганізацыйным плане ўсё зроблена. Гатоўнасць камбайнаў высокая — 96,4 %. Гатовыя сушыльныя комплексы, вырашана пытанне з дызельным палівам, бензінам. З боку прамысловых прадпрыемстваў, Мінабароны арганізавана дапамога ў вывазцы збожжа на элеватары. Мабілізаваны механізатарскія кадры з прамысловых прадпрыемстваў, навучальных устаноў», — расказаў Леанід Заяц.

Пры гэтым ён адзначыў, што штодзённай уборкі ў 44—50 тысяч га плошчаў недастаткова. Тэмпы жніва істотна запавольвалі дажджы. На думку міністра, беларускі тэхнічны парк дазваляе ўбіраць больш за 100 тысяч га ў дзень.

На Гомельшчыне жне моладзь

У Гомельскай вобласці на жніве задзейнічана каля 80 маладзёжных экіпажаў. Яны працуюць практычна ва ўсіх раёнах вобласці. Таксама каля паўсотні маладых кіроўцаў займаюцца перавозкай збожжа. У цэлым, нягледзячы на тое, што па вобласці ўбралі яшчэ менш за траціну пасяўных плошчаў, у Гомельскім раёне аграрыі прыступілі да завяршальнага этапу ўборкі. Адначасова вядзецца ўборка саломы з палёў і лушчэнне ржышча ўбраных збожжавых.

Ілья КРЫЖЭВІЧ

Загаловак у газеце: Пераходзім у актыўную стадыю

Выбар рэдакцыі

Грамадства

Ежа ці сімвал? Самы час зацікавіцца роспісам яек

Ежа ці сімвал? Самы час зацікавіцца роспісам яек

Карэспандэнт «Звязды» схадзіла на майстар-клас па стварэнні «пісанак».

Спорт

Тры медалі ў беларусаў на этапе Кубка свету па скачках на батуце

Тры медалі ў беларусаў на этапе Кубка свету па скачках на батуце

Больш за 150 спарт­сме­наў з 36 кра­ін све­ту — гэта са­мыя моц­ныя ба­ту­тыс­ты су­час­нас­ці. 

Грамадства

Што шукаюць сем'і, якія едуць да айца Валерыяна ў пасёлак Смілавічы?

Што шукаюць сем'і, якія едуць да айца Валерыяна ў пасёлак Смілавічы?

Звязацца з храмам у гонар Георгія Перамаганосца, дзе служыць айцец Валерыян, можна па тэлефоне, які няцяжка знайсці ў інтэрнэце.