Вы тут

Азонавай дзіркі ўжо няма


Еўрапейскае касмічнае агенцтва (ЕКА) паведамляе аб знікненні азонавай дзіркі над Антарктыдай.

Такія даныя атрыманы еўрапейскім касмічным апаратам Sеntіnеl-5Р у ходзе даследавання атмасферы, гаворыцца на сайце агенцтва. Гэта толькі першасныя весткі з гэтага касмічнага апарата, размешчаныя ў адкрытым доступе. Ці азначае гэта, што ў будучыні дзірка не ўтворыцца зноў, пакуль незразумела.


Азонавая дзірка над Антарктыдай — адна з сур'ёзных пагроз глабальнай экасістэме, паколькі без азонавага пласта Зямля безабаронная перад шкодным ультрафіялетавым выпраменьваннем Сонца. «Першыя азонавыя здымкі праграмы Sеntіnеl-5Р паказваюць закрыццё азонавай дзіркі над Паўднёвым полюсам у лістападзе 2017 года», — гаворыцца ў паведамленні, апублікаваным на сайце ЕКА. Да звестак прыкладаецца пасуткавы малюнак, згодна з якім азонавая дзірка, якая ахоплівае палову Антарктыды, зацягнулася да 26 лістапада мінулага года.

Рэзкае падзенне канцэнтрацыі азону ў стратасферы (азонавая дзірка) было ўпершыню выяўлена над Антарктыдай у 1980-х гадах. Разбурэнне азону (трохатамных малекул кіслароду) звязана з уздзеяннем рэчываў групы вугляродаў, найбольш вядомымі з якіх з'яўляецца група фрэонаў.

Навуковае пацвярджэнне факта памяншэння азонавага пласта заахвоціла міжнародную супольнасць стварыць механізм супрацоўніцтва па прыняцці мер для яго абароны. У 2014 годзе даследаванне, падрыхтаванае экспертамі Праграмы ААН па навакольным асяроддзі і Сусветнай метэаралагічнай арганізацыі, паказала, што дзякуючы адмове ад шэрагу хімічных рэчываў аднаўленне азонавага пласта адбудзецца ў найбліжэйшыя дзесяцігоддзі.

Эксперты адзначаюць, што вывядзенне з ужывання разбуральных азон рэчываў дапамагае таксама і ў барацьбе са зменай клімату, бо многія хімічныя рэчывы, кантраляваныя дагаворам, былі прызнаныя таксама крыніцамі глабальнага пацяплення.

Сяргей КУРКАЧ

Дадаць каментар

Выбар рэдакцыі

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.

Грамадства

Беларускія навукоўцы прадставілі больш за 300 распрацовак і тэхналогій

Беларускія навукоўцы прадставілі больш за 300 распрацовак і тэхналогій

На юбілейнай выстаўцы Нацыянальнай акадэміі навук.

Эканоміка

Ніна Жалязнова: Мы, беларусы, па сваёй ментальнасці — людзі зямлі

Ніна Жалязнова: Мы, беларусы, па сваёй ментальнасці — людзі зямлі

«Звязда» ўжо неаднойчы пісала пра гэту незвычайную жанчыну.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ўрокі іншай мовы і шчасце, калі ў доме гаспадар.