Вы тут

Знешні доўг краіны зменшыўся


Паводле інфармацыі Міністэрства фінансаў, знешні дзяржаўны доўг краіны паменшыўся з пачатку года на 288,2 млн долараў (на 1,7 %) і па стане на 1 ліпеня 2018 года склаў 16,4 млрд долараў.


Пагашэнне знешняга дзярждоўгу з пачатку года склала $1 млрд 423,2 млн, з якіх $800 млн — еўрааблігацыі, $213,4 млн — банкам КНР, $199,6 млн — ураду Расіі, $176,6 млн — ЕФСР, $32,5 млн — МБРР , $0,7 млн — ЗША, $0,4 млн —  Еўрапейскаму банку рэканструкцыі і развіцця і Паўночнаму інвестыцыйнаму банку.

У студзені — чэрвені прыцягнуты знешнія дзяржаўныя пазыкі на суму $1 млрд 226,7 млн, у тым ліку $600 млн — еўрааблігацыі, $457 млн — урада і банкаў Расіі, $93,8 млн — банкаў КНР, $73,3 млн — МБРР, 2,6 млн — Еўрапейскага банка рэканструкцыі і развіцця і Паўночнага інвестыцыйнага банка.

Дзяржаўны доўг (сума прамых непагашаных пазык цэнтральных органаў улады) краіны на 1 ліпеня склаў BYN42 млрд і зменшыўся ў параўнанні з пачаткам года на BYN207,2 млн, або на 0,5 %. Унутраны дзяржаўны доўг па стане на 1 ліпеня склаў BYN9,3 млрд, павялічыўшыся з пачатку года на BYN80,2 млн (з улікам курсавых розніц), або на 0,9 %.

За студзень — чэрвень размешчана ўнутраных валютных дзяржаблігацый для юрыдычных і фізічных асоб на суму $255,5 млн. Пагашана валютных і рублёвых дзяржаўных аблігацый для юрыдычных і фізічных асоб на суму $190,6 млн і BYN23,1 млн.

Нагадаем, што золатавалютныя рэзервы краіны на 1 ліпеня сталі менш за месяц на 108,2 мільёна долараў (на 1,6 %) і склалі 6831,4 мільёна долараў. Дынаміка зніжэння працягвалася і ў маі, тады ЗВР зменшыліся на 98,5 мільёна долараў (на 1,4 %). Зніжэнне аб'ёмаў рэзервовых актываў у Нацыянальным банку тлумачаць планавымі пагашэннямі знешняй і ўнутранай запазычанасці. Усяго на выплату даўгоў накіравалі 424 мільёны долараў.

Ілья КРЫЖЭВІЧ

Выбар рэдакцыі

Палітыка

Беларусь і ЕС падпішуць візавае пагадненне не пазней за 2 лютага 2020 года

Беларусь і ЕС падпішуць візавае пагадненне не пазней за 2 лютага 2020 года

Верагодна, гэта адбудзецца ўжо ў гэтым лістападзе. 

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад. 

Грамадства

Ці заўсёды выгадна афармляць бальнічны

Ці заўсёды выгадна афармляць бальнічны

Сярод знаёмых у мяне ёсць шмат жанчын, якія звяртаюцца да ўрача пры любым занядужанні і пры кожнай магчымасці афармляюць бальнічны ліст. 

Культура

Чаму сучаснае беларускае кіно «невялікае»?

Чаму сучаснае беларускае кіно «невялікае»?

Пісьменнік і дысідэнт Андрэй Сіняўскі, калі расказваў пра ўтрыраваную дробязнасць савецкай «цывілізацыі», прывёў у прыклад аповесць Міхаіла