Вы тут

Валютная выручка застаецца ў экспарцёраў


Указ аб адмене абавязковага продажу замежнай валюты прыняты на фоне стабiлiзацыi фiнансавай сiстэмы i валютнай сiтуацыi ў Беларусi. Гэта адзначыў у эфiры тэлеканала «Беларусь 1» фiнансавы аналiтык Аляксандр Сабодзiн, каментуючы дакумент, паведамляе БелТА.


Стабiльнасць беларускага рубля, рэкордна нiзкая iнфляцыя даюць падставы для аптымiстычных прагнозаў экспертаў, якія тлумачаць, што для новага дакумента яшчэ раней было падрыхтавана адпаведнае асяроддзе. «Сур'ёзнага ўплыву прынятая мера на валютны рынак не акажа. Больш таго, каб рэалiзаваць гэтую праграму, былi створаны станоўчыя перадумовы. Мы бачым, што ў нас фiнансавая сiстэма стабiльная, попыт i прапанова замежнай валюты збалансаваны», — адзначыў Аляксандр Сабодзiн.

Пры гэтым на павышэнне дзелавой актыўнасцi, на яго думку, з прыняццем указа можна разлiчваць. «Фiнансавая сiстэма стала больш стабiльнай, як i валютная сiтуацыя. Гэта вельмi пазiтыўны сiгнал замежным i ўнутраным iнвестарам», — адзначыў i загадчык кафедры БНТУ доктар эканамiчных навук Сяргей Саладоўнiкаў. Нацбанк таксама адзначае перавышэнне прапановы валюты над попытам, гэта адбываецца на ўсiх сегментах валютнага рынку. «Нi на бiржы, нi на пазабiржавым рынку гэта да нейкiх наступстваў не прывядзе», — рэзюмаваў намеснiк старшынi праўлення Нацыянальнага банка Сяргей Калечыц. Як паведамлялася, абавязковы продаж часткi валютнай выручкi адменены для лiбералiзацыi валютных адносiн i стымулявання дзелавой актыўнасцi.

Гэты iнструмент прымяняўся ў перыяд станаўлення беларускага рынку i садзейнiчаў фармiраванню прапановы замежнай валюты на валютнай бiржы, разам з тым ён з'яўляўся стрымлiваючым фактарам, паколькi ўспрымаўся iнвестарамi як прыкмета адмiнiстрацыйнага рэгулявання i абмежаванняў. Адмена абавязковага продажу часткi валютнай выручкi суб'ектамi гаспадарання будзе садзейнiчаць павышэнню канкурэнтаздольнасцi беларускiх экспарцёраў, стане iстотным фактарам паляпшэння ўмоў вядзення бiзнесу ў Беларусi.

Выбар рэдакцыі

Эканоміка

Падрыхтаваны праект новага ўказа аб аднаўляльных крыніцах энергіі

Падрыхтаваны праект новага ўказа аб аднаўляльных крыніцах энергіі

Так званая «зялёная» энергетыка ў апошнія гады развіваецца ў нашай краіне хуткімі тэмпамі.

Палітыка

Уладзімір Макей: Прыярытэту «эканамічнай дыпламатыі» патрабуе час

Уладзімір Макей: Прыярытэту «эканамічнай дыпламатыі» патрабуе час

Гэтымi днямi дыпламатычная служба Беларусi адзначае векавы юбiлей. 

Культура

Стары замак у Гродне пачалі ўпрыгожваць скульптурна-мастацкімі элементамі

Стары замак у Гродне пачалі ўпрыгожваць скульптурна-мастацкімі элементамі

У хуткім часе на ўязной арцы з'явіцца барэльеф анёла з крыламі.

Грамадства

Быць у трэндзе. На які ўрок вучні пабягуць з радасцю?

Быць у трэндзе. На які ўрок вучні пабягуць з радасцю?

Вучыць пакаленне Z — задача няпростая.