Вы тут

Якія навінкі прапануюць пінскія вытворцы


Да V Форуму рэгіёнаў Беларусі і Расіі актыўна рыхтуюцца на прадпрыемстве «Пінскае прамыслова-гандлёвае аб'яднанне «Палессе». Летась палескія трыкатажнікі ўдзельнічалі ў маскоўскім форуме, прадстаўлялі там сваю калекцыю колькасцю больш чым у тры сотні мадэляў мужчынскага, жаночага, дзіцячага адзення. І не без поспеху.


Фота носіць ілюстрацыйны характар.

Дырэктар прадпрыемства Таццяна ЛУГІНА сказала карэспандэнту «МС», што восенню ў Магілёве яны маюць намер сустрэцца з патэнцыяльнымі партнёрамі зноў:

— Выязджаць на падобныя мерапрыемствы не пажадана, а абавязкова такім вытворцам, як мы, — кажа Таццяна Аляксееўна. — Бо 90 працэнтаў экспарту нашай прадукцыі прыходзіцца на расійскі рынак. Але ж аднойчы заваяваць пэўную рынкавую нішу не азначае завалодаць ёй назаўсёды. Пастаянна трэба быць у курсе рынкавых ваганняў. Неабходна ведаць эканамічную сітуацыю партнёраў, якая схільная мяняцца, а таксама важна сачыць за пакупніцкімі сімпатыямі і перавагамі. Таму важна часцей сустракацца з гандлёвымі партнёрамі, абмяркоўваць магчымае супрацоўніцтва і прапаноўваць прадукцыю. Зноў павязём узоры нашых вырабаў, абавязкова нешта з апошніх распрацовак, напрыклад, трыкатаж выраблены з выкарыстаннем ільняных і баваўняных тканін.

— Зараз актыўна вядзецца прапрацоўка праектаў пагадненняў з расійскім бокам, — паведаміў начальнік упраўлення знешнеэканамічных сувязяў Брэсцкага аблвыканкама Сяргей ХІЗАЎ. — Рыхтуюцца цэлыя пакеты дакументаў як рэгіянальнага характару, так і прапановы асобных кантрактаў для прадпрыемстваў. У Магілёўскім форуме будуць удзельнічаць афіцыйная дэлегацыя Брэстчыны і прадстаўнікі дзелавых колаў. Такое грунтоўнае стаўленне да названага мерапрыемства абумоўлена тым, што Расія для Брэстчыны з'яўляецца асноўным гандлёва-эканамічным партнёрам, на яе прыходзіцца 72 працэнты экспарту рэгіёна.

Буйныя прадпрыемствы заходняга рэгіёна краіны даўно і плённа працуюць з Расіяй. Напрыклад, брэнды «Савушкін прадукт» і «Санта» даўно сталі пазнавальнымі для пакупніка з суседняй краіны. Паспяхова супрацоўнічаюць з усходнімі партнёрамі фактычна ўсе нашы мяса-малочныя перапрацоўшчыкі. Упэўнена сябе адчувае на расійскім рынку знакаміты вытворца пластыкавых цацак з Кобрына — «ПП Палессе» і нават мае там сваё прадстаўніцтва. Прадаюцца ў Расіі брэсцкія газавыя пліты і жабінкаўскі цукар, баранавіцкія баваўняныя тканіны і маларыцкія агароднінныя кансервы. Так што на форуме брастаўчанам будзе што паказаць.

Святлана ЯСКЕВІЧ

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.