Вы тут

Таямніцы старадаўніх рыцараў адкрыюцца ўсім, хто прыедзе ў Мсціслаў


Адкрыюцца ўсім, хто прыедзе заўтра ў старажытны Мсціслаў на славуты Рыцарскі фэст. Святочныя мерапрыемствы пачаліся яшчэ ўчора, але сёння і заўтра адбудуцца самыя галоўныя падзеі.


Гэта вялікае шэсце рыцарскіх клубаў і творчых калектываў з Беларусі і Расіі, конныя прадстаўленні, сярэднявяковыя забавы, тэатралізаваны штурм замка, экскурсіі па старадаўнім гарадзішчы, вогненныя шоу, канцэрты фольк-груп. Наведвальнікаў чакаюць выстаўкі старажытных даспехаў, агнястрэльнай зброі, інквізітарскіх прылад для катаванняў, мясцовых кладаў. Мсціслаўскі фэст славіцца сваімі гандлёвымі радамі. Самая шматлюдная і запатрабаваная пляцоўка — «Горад Майстарслаўль» у цэнтральнай частцы горада. Тут будуць не толькі дэманстраваць і прадаваць, але і запрашаць на майстар-класы, гульні, атракцыёны, у кавярні пад адкрытым небам.

Фішка сёлетняга фэсту — квэст-гульні, падчас якіх вам трэба будзе знайсці старадаўні залаты дукат, замоўлены на ўдачу, адчуць сябе прадстаўнікамі старасвецкага роду, разгадаць таямніцы загадкавага рукапісу. Загадкавасці надасць блуканне па падвалах кармеліцкага касцёла, пабудаванага ў XVІІ стагоддзі.

— Сёлета ўпершыню мы дадзім магчымасць паглядзець на горад з вышыні птушынага палёту — пакатаем гасцей на верталёце, — паведаміў намеснік старшыні райвыканкама Ігар МЕЛЬНІКАЎ. — Акрамя забаўляльных і відовішчных праграм, будзе магчымасць наведаць нашы шматлікія храмы і пакланіцца мошчам святых, у тым ліку Матронушкі Маскоўскай, Серафіма Сароўскага, Лукі Война-Ясянецкага, Сергія Раданежскага. У кармеліцкім касцёле пройдзе вялікая святочная служба, у якой прымуць удзел 15 святароў з розных раёнаў.

Нэлі ЗІГУЛЯ

Выбар рэдакцыі

Грамадства

Так цёпла, як у першым паўгоддзі, бывае адзін раз у 30 год

Так цёпла, як у першым паўгоддзі, бывае адзін раз у 30 год

За апошнія 30 гадоў у нас у краіне ў параўнанні з нормай 1961—1990 гадоў, якая ўжываецца як апорная пры ацэнцы значэнняў змены клімату, пацяплела на 1,3 градуса.

Грамадства

Ці прапаноўвае прыдарожны сэрвіс беларускую кухню?

Ці прапаноўвае прыдарожны сэрвіс беларускую кухню?

Міністэрства транспарту і камунікацый цяпер распрацоўвае генеральную схему развіцця прыдарожнага сэрвісу да 2025 года.

Грамадства

Гісторыя пра тое, як партызаны пайшлі па соль, а выратавалі дзевяць чалавек

Гісторыя пра тое, як партызаны пайшлі па соль, а выратавалі дзевяць чалавек

Гэты аповед даслаў нам у рэдакцыю наш даўні чытач з Вялікай Бераставіцы Міхаіл Маскальчук.

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.