Вы тут

Штотыднёвы спартыўны агляд «Звязды»


У штотыднёвым спартыўным аглядзе «Звязды» расказваем пра галоўныя падзеі выхадных.


1. Тры медалі заваявалі беларускія атлеты на этапе Кубка свету па скачках на батуце ў японскім Маэбасі.

Залатую ўзнагароду ў сінхронных скачках сярод жанчын заваявалі беларускі Валянціна Багамолава і Ангеліна Хацян. У спаборніцтвах дуэтаў сярод мужчын беларусы Алег Рабцаў і Уладзіслаў Ганчароў занялі другое месца, яны саступілі на турніры толькі кітайскай пары Донг Донг і Тую Сяа.

У індывідуальных выступленнях трэцяе месца заняў беларус Мікіта Ільіных, алімпійскі чэмпіён Рыа-дэ-Жанэйра ў гэтым відзе Уладзіслаў Ганчароў гэтым разам заняў толькі чацвёртае месца, дапусціўшы сур'ёзную памылку ў ходзе выканання сваёй праграмы.

Чацвёрты этап Кубка свету па скачках на батуце адбудзецца ў Партугаліі 5-6 кастрычніка. Галоўным стартам сезона для прадстаўнікоў гэтага віду спорту стане чэмпіянат свету, які з 7 да 10 лістапада прыме Санкт-Пецярбург.


2. Алена Фурман заваявала залатую ўзнагароду на чэмпіянаце Еўропы па акадэмічным веславанні ў класе лодак лёгкай вагі (не алімпійскі клас).

На вяслярным канале ў Глазга беларуска здолела пераадолець дыстанцыю за 7 хвілін 41,600 секунды. Адзначым, што для Алены бягучы сезон складваецца паспяхова, яна фінішавала першай на этапах Кубка свету ў Бялградзе і заняла другое месца ў аўстрыйскім Лінцы.

Залатая ўзнагарода Алены Фурман для зборнай Беларусі па акадэмічным веславанні стала адзінай на чэмпіянаце Еўропы ў Глазга. Каманда падзяліла 8—11 агульнакаманднае месца з веслярамі Германіі, Харватыі і Расіі. Першае месца заняла зборная Румыніі.


3. Іна Савенка стала сярэбраным прызёрам чэмпіянату Еўропы па трэкавых велагонках, які праходзіць у брытанскім Глазга.

У гонцы па ачках беларуска фінішавала другой, саступіўшы толькі італьянцы Марыі Канфаланьеры. «Бронзу» заваявала расійская веласіпедыстка Гульназ Бадыкава.


4. Вікторыя Азаранка завяршыла выступленне на турніры ў амерыканскім Сан-Хасэ на стадыі 1/4 фіналу.

Фота: БЕЛТА

У паядынку за выхад у паўфінал з амерыканкай Даніэль Роўз Колінз Вікторыя выйграла першую партыю на тай-брэйку — 7:6 (7:4), а ў другім сэце, прайграючы 0:3, не змагла працягнуць матч і знялася з турніру. Да гэтага Вікторыя перамагла ўкраінку Кацярыну Бандарэнку (79) і расіянку Ганну Блінкаву (101).

Загаловак у газеце: Батут, вада і велатрэк

Выбар рэдакцыі

Грамадства

Так цёпла, як у першым паўгоддзі, бывае адзін раз у 30 год

Так цёпла, як у першым паўгоддзі, бывае адзін раз у 30 год

За апошнія 30 гадоў у нас у краіне ў параўнанні з нормай 1961—1990 гадоў, якая ўжываецца як апорная пры ацэнцы значэнняў змены клімату, пацяплела на 1,3 градуса.

Грамадства

Ці прапаноўвае прыдарожны сэрвіс беларускую кухню?

Ці прапаноўвае прыдарожны сэрвіс беларускую кухню?

Міністэрства транспарту і камунікацый цяпер распрацоўвае генеральную схему развіцця прыдарожнага сэрвісу да 2025 года.

Грамадства

Гісторыя пра тое, як партызаны пайшлі па соль, а выратавалі дзевяць чалавек

Гісторыя пра тое, як партызаны пайшлі па соль, а выратавалі дзевяць чалавек

Гэты аповед даслаў нам у рэдакцыю наш даўні чытач з Вялікай Бераставіцы Міхаіл Маскальчук.

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.