Вы тут

Да бабулечкі ў госці


У дзіцячай бібліятэкі № 12, што ў Тальяці, сталі ўжо традыцыйнымі сустрэчы юных чытачоў з таленавітай беларускай бабуляй Людмілай Дзёмінай

Дзверы бібліятэкі, вядома ж, круглы год расчынены для юных чытачоў. Але ёсць асаблівы дзень, калі там ладзяцца душэўныя сустрэча з вясёлай, дасціпнай, таленавітай беларускай бабуляй: Людмілай Іванаўнай Дзёмінай. І кожная такая сустрэча пакідае, пэўна, у юных сэрцах нейкую новую цікавую згадку пра Беларусь. Гэта можа быць знаёмства з паэтамі ці кампазітарамі, з апавяданнямі беларускіх пісьменнікаў, відэафільмы паводле беларускіх казак. Праходзілі таксама й майстар-класы па вырабе кветкі-васілька, былі знаёмствы з беларускімі словамі, з іх вымаўленнем і значэннем.

А нядаўна, гэтым летам, у бібліятэку завіталі выхаванцы з летняга лагера. Там іх чакала не толькі чытанне апавядання Канстанціна Паўстоўскага “Прыгоды жука-насарога”, але й песні ў выкананні ўдзельнікаў народнага ансамбля “Купалiнка”. Так супала, што сустрэча праходзіла 22 чэрвеня – у дзень пачатку Вялікай Айчыннай вайны, дзень памяці й смутку. Людміла Іванаўна расказала дзецям, як Беларусь першаю прыняла ўдар ворага, яны даведаліся пра абаронцаў-герояў Брэсцкай крэпасці, паглядзелі відэафільм. Потым яшчэ паслухалі песні “Вечар на рэйдзе”, “Плача белая бяроза”, “Крынiца”, “Да цябе, Беларусь!”. Усе былі пад уражаннем, нават не варушыліся. А потым – апладысменты. Такія простыя, даступныя ўрокі па гісторыі, мяркую, вельмі патрэбны дзецям.

Праца нашай Мясцовай грамадскай арганізацыі “Беларуская нацыянальнакультурная аўтаномія “Нёман” гарадской акругі Тальяці” скіраваная не толькі на зберажэнне й пашырэнне на Волзе беларускіх традыцый — мы абуджаем у дзяцей, моладзі цікаўнасць да цудоўнай краіны пад назвай Беларусь.

Сяргей Шылкін, намеснік старшыні праўлення суполкі “Нёман” па працы з моладдзю

Дадаць каментар

Выбар рэдакцыі

Калейдаскоп

Чым здзівіў Беларускі тыдзень моды

Чым здзівіў Беларускі тыдзень моды

Пазнаёміцца з навінкамі ад беларускіх дызайнераў можна было на тыдні моды, які праходзіў у Мінску з 7 да 11 лістапада.

Грамадства

Як сацыяльная рэклама змяняе стаўленне да бяздомных жывёл

Як сацыяльная рэклама змяняе стаўленне да бяздомных жывёл

«Не кідай мяне на лецішчы», «Я таксама хачу сустрэць Новы год дома» — такія кранальныя словы бачылі жыхары Масквы на білбордах з сацыяльнай рэкламай пра бяздомных жывёл.

Культура

«Свята каваля» прайшло пад Мінскам

«Свята каваля» прайшло пад Мінскам

Кожны ахвотны мог зрабіць што-небудзь з жалеза.

Спорт

Усё пра конны спорт: хараство і небяспека «жыцця» на канюшні

Усё пра конны спорт: хараство і небяспека «жыцця» на канюшні

Ганна Карасёва — самая тытулаваная айчынная спартсменка ў конным спорце, з Задыякам і Арлекінам яна выступае ў самай прыгожай, але адначасова складанай, дысцыпліне — выездцы.