Вы тут

На водных аб'ектах — чарговыя трагедыі


Пад Смаргонню мужчына пры купанні выратаваў дачку, але сам патануў. Па інфармацыі ўпраўлення Следчага камітэта па Гродзенскай вобласці, побач з вёскай Завелле падчас купання ў Віліі не разлічылі ўласныя сілы бацька і дачка са Смаргоні. Супраціўляючыся цячэнню, 50-гадовы мужчына здолеў выпхнуць дачку з магутнай бруі і выратаваць ёй жыццё. А сам дабрацца да берага не здолеў... У гэты ж дзень на Нёмане паблізу вуліцы Падольнай у Гродне было знойдзена цела 18-гадовага жыхара Шчучына. Для купання гэты ўчастак ракі не прызначаны. Цяпер следчыя высвятляюць, пры якіх абставінах патануў хлопец. Трагедыяй скончыўся адпачынак на возеры Малочным побач з аграгарадком Парэчча для 38-гадовай жыхаркі Гродна. Следчыя высветлілі, што перад тым, як зайсці ў ваду, яна ўжывала алкаголь са знаёмымі.


У час купання ў Нёмане каля вёскі Міхайлаўка Гродзенскага раёна патануў 45-гадовы жыхар Скідзеля. Перад заплывам мужчына разам з сябрам ужываў піва. У гэты ж дзень у возеры побач з населеным пунктам Бобра Шчучынскага раёна было знойдзена цела 52-гадовага жыхара аграгарадка Ражанка. Высветлілася, што мужчына плаваў, нягледзячы на наяўнасць устаноўленых на беразе таблічак аб забароне купання.

А ў Рэчыцкім раёне цячэннем ракі знесла дзяўчынку і мужчыну. Усё адбылося ўвечары паблізу вёскі Горваль. Мужчына, жанчына і дзве дзяўчынкі 11 гадоў выправіліся на Бярэзіну. Папярэдне ўстаноўлена, што спачатку яны ішлі па мелкаводдзі, а затым патрапілі ў цячэнне. Жанчына і адна дзяўчынка змаглі выбрацца, а мужчыну і другое дзіця знесла цячэннем... На момант падрыхтоўкі інфармацыі іх пошукамі працягвалі займацца ратавальнікі...

У Следчым камітэце нагадваюць асноўныя правілы паводзінаў на вадзе. Перш за ўсё можна купацца толькі ў дазволеных месцах, не ныраць у незнаёмых, не заходзіць, не заплываць на глыбокае месца, далёка ад берага. Не варта ўжываць спіртныя напоі, нават знаходзячыся побач з вадой.

Сяргей РАСОЛЬКА

Выбар рэдакцыі

Грамадства

Асваенне адчужэння. Што паглядзець падчас экскурсіі ў радыяцыйнай зоне?

Асваенне адчужэння. Што паглядзець падчас экскурсіі ў радыяцыйнай зоне?

Ці небяспечныя такія «вылазкі» і колькі яны каштуюць?

Грамадства

Мітрапаліт Павел: Я ўдзячны, што Гасподзь павёў мяне па гэтым шляху

Мітрапаліт Павел: Я ўдзячны, што Гасподзь павёў мяне па гэтым шляху

Уладыка расказаў, чаму з асцярогай упершыню ехаў у Мінск у якасці мітрапаліта.

Калейдаскоп

Вясёлыя гісторыі чытачоў

Вясёлыя гісторыі чытачоў

Добрая жонка і дома рай, а благая — хоць цягу дай

Грамадства

Як сучасныя палешукі рыхтуюцца да свята Уваскрэсення Хрыстовага

Як сучасныя палешукі рыхтуюцца да свята Уваскрэсення Хрыстовага

Аўтар «Звязды» расказвае на прыкладзе сваёй сям'і.