Вы тут

Як праходзяць канікулы ў патрыятычным лагеры «Лідар»


У 120-й асобнай механізаванай брыгадзе пачаў працу раённы выязны лагер "Лідар". Трыццаць вучняў 3-10 класаў на працягу першых дзевяці дзён жніўня спасцігаюць таямніцы армейскага побыту, удзельнічаюць у спартыўных спаборніцтвах, наведваюць экскурсіі і знаёмяцца з гісторыяй Узброеных Сіл.


Браты Аляксей і Міхаіл Цэндзеры вучацца ў 84-й сярэдняй школе. Да гэтага ў лагерах з ваенным ухілам падлеткі яшчэ не былі.

- Нам расказаў пра гэты лагер сацыяльны педагог. А так паказалі, як праходзіць паласу перашкод, збіраць і разбіраць аўтамат Калашнікава... Самае складанае – гэта рана ўстаць. Пад'ём тут а шостай гадзіне раніцы. І самае галоўнае – тут усё зусім не так, як у кіно.

Падлеткаў курыруюць выхавацелі і ваеннаслужачыя, якія распавядаюць пра тонкасці службы. І як паказвае практыка, удзел у такіх лагерах мае пасля вялікі эфект. Калі падлеткі становяцца паўнагадовымі, іх ужо не палохае перспектыва тэрміновай службы, яны ўжо ведаюць і ўяўляюць, менавіта што будзе іх чакаць пасля прызыву ў войска.

- Праграмай спланаваны разнастайныя мерапрыемствы для выхаваўчай працы, культурнай праграмы, а яшчэ мы прышчэпліваем навыкі, якія згадзяцца ў жыцці, - кажа старшы афіцэр аддзялення ідэалагічнай працы вайсковай часці 04147 Грыгорый Сівіцкі. - Хлопчыкі вучацца, як правільна распаліць касцёр, паводзіць сябе ў лесе, каб не заблукаць. І ўжо бачна, як яны аб'ядналіся за гэты час. А каб адчувалі сябе яшчэ больш упэўнена, мы праводзім і псіхалагічныя трэнінгі. Да таго ж яны пастаянна бачаць побыт ваеннаслужачых тэрміновай службы як ён ёсць і кантактуюць з імі. Так армія перастае быць для хлопцаў закрытай кнігай.

На фоне астатніх хлопцаў выдзяляецца Дзмітрый Буйніч, які камандуе першым узводам. Хлопец перайшоў у дзявяты клас, але здаецца дасведчаным і дысцыплінаваным не па гадах.

- Я сачу за парадкам, дублюю каманды камандзіраў, бужу хлопцаў па раніцах. Я адказваю і за дысцыпліну. Калі нехта з хлопцаў дапусціў парушэнне, то адказвае і ён, і я. Мне падабаецца тое, што лагер бясплатны, арганізавана пяціразовае харчаванне. Па душы парадак і дысцыпліна ў часці. У мяне бацька - падпалкоўнік запасу. І яшчэ з самага маленства ён браў мяне з сабой на службу. Так я і прывык да вайсковага побыту. Больш за тое, вельмі хачу служыць і паступаць у будучыні Вайсковую акадэмію.

А вось пятнаццацігадовы Андрэй Яфрэмаў ужо паўтара гады захапляецца паркурам. Гэта здольнасць перамяшчацца па любым рэльефе ў любых абставінах. Вучыць пад кантролем дарослых таямніцам гэтага майстэрства і іншых хлопцаў. Сам жа спасціг іх дзякуючы шматлікім відэаролікам у інтэрнэце.

- Я пабачыў, як многія мае равеснікі пераадольваюць паласу перашкод. І вырашыў паказаць, як гэта можна зрабіць лепш. Можам і некаторым вайскоўцам ужо даць фору.

Начальнік лагера Валерыя Швед знаходзіцца ў часці ўвесь дзень – ад восьмай раніцы да дзявятай вечара. Хлопчыкі літаральна акружылі дзяўчыну і наперабой кажуць, што вельмі цёпла да яе адносяцца.

- Зараз у лагеры 24 падлеткі – некаторыя пакінулі часць па сямейных абставінах. Сярод дзяцей шасцёра стаяць на ўліку ў інспекцыі па справах непаўнагадовых. Так, можа, не ўсе хлопцы простыя, але ўсе яны аб'ядналіся. І на некалькі дзён мы сталі адной вялікай сям'ёй.

Мяркуецца, што ў спартыўна-патрыятычных лагерах за лета адпачнуць больш за 10 тысяч навучэнцаў.

Валяр'ян ШКЛЕННІК

Фота БЕЛТА

Выбар рэдакцыі

Грамадства

Рагачук: Дзеці ў пясочніцах на касцях гуляць не будуць

Рагачук: Дзеці ў пясочніцах на касцях гуляць не будуць

Кіраўнік Брэсцкага гарвыканкама адмеркаваў рэзанансную тэму раскопак на тэрыторыі гета.

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.

Грамадства

Як ператварыць звычайны ўрок беларускай літаратуры ў творчую майстэрню?

Як ператварыць звычайны ўрок беларускай літаратуры ў творчую майстэрню?

Настаўнікі ўпэўнены: ці будуць вучні чытаць, у многім залежыць ад іх саміх. 

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.