Вы тут

У аварыі на трасе М1 адзін чалавек загінуў, два атрымалі траўмы


...У аварыі, якая адбылася раніцай 7 жніўня на 277-м кіламетры трасы М1, адзін чалавек загінуў, яшчэ два атрымалі траўмы. Прычына аварыі — шафёр адарваўся ад кіравання аўтамашынай (як мяркуецца, заснуў). У аварыі, што здарылася ў гэты ж дзень у 14.00 у Мастоўскім раёне, адзін чалавек загінуў, яшчэ двое атрымалі сур'ёзныя траўмы. Кіроўца больш як суткі знаходзіўся за рулём, у выніку чаго заснуў. Загінула яго 19-гадовая дачка.


У Рагачоўскім раёне мікрааўтобус заехаў на сустрэчную паласу і ўрэзаўся ў грузавік. Гэтая аварыя, у якой загінуў кіроўца мікрааўтобуса, хутчэй за ўсё, была выклікана той жа банальнай і сумнай прычынай: чалавек заснуў за рулём.

У нядаўняй жудаснай аварыі мікрааўтобус з гомельскімі турыстамі, які рухаўся па маршруце Адэса—Гомель, урэзаўся ў грузавік у Мікалаеўскай вобласці. Загінулі пяць чалавек, у тым ліку дырэктар фірмы-перавозчыка. Яшчэ дванаццаць чалавек з цялеснымі пашкоджаннямі рознай ступені цяжкасці дастаўленыя ў бальніцу...

Навіны як быццам з поля бою. Кожны дзень мы атрымліваем весткі пра чарговую аварыю з гібеллю кіроўцаў і пасажыраў. Нярэдкія выпадкі, калі ў ДТЗ трапляюць аўтобусы, якія перавозяць не адзін дзясятак людзей. Прычыны розныя, але ўсім добра вядомыя: парушэнне кіроўцам рэжыму працы і адпачынку, непаладкі з транспартным сродкам, перавышэнне хуткаснага рэжыму, парушэнні правілаў дарожнага руху. Як зрабіць так, каб выкараніць або радыкальна мінімізаваць колькасць парушэнняў і гарантаваць бяспеку грамадзян на дарогах?

Па словах Сяргея ГЛЯМБОЎСКАГА, намесніка начальніка ўпраўлення кантролю аўтамабільнага транспарту Транспартнай інспекцыі Міністэрства транспарту і камунікацый, ажыццяўляецца жорсткі кантроль за станам транспартных сродкаў, у прыватнасці аўтобусаў міжнародных напрамкаў. Яны правяраюцца ў кантрольна-прапускных пунктах на ўездзе ў нашу краіну. І, як паказвае практыка, у кожным чацвёртым аўтобусе выяўляюцца пэўныя «хібы»: няспраўнасць тэхнічнай часткі альбо парушэнне кіроўцам рэжыму працы і адпачынку. Падобная прафілактыка дазволіла значна зменшыць колькасць ДТЗ.

Што датычыцца кантролю стану кіроўцаў, то, як растлумачыў Сяргей Глямбоўскі, гэта цалкам і даволі эфектыўна рэгулюецца ўстаноўленымі правіламі. Маршрут і графік перавозкі складаецца аўтамабільным перавозчыкам. Ён павінен і абавязаны вызначыць іх такім чынам, каб кіроўца меў час на кароткі — пасля чатырох гадзін бесперапыннага кіравання — 45-хвілінны перапынак і працяглы — пасля васьмі гадзін знаходжання за рулём. На пытанне карэспандэнта «Звязды», чаму ж шафёры нярэдка засынаюць падчас руху, Сяргей Глямбоўскі адказаў, што падобныя здарэнні маюць месца выключна па прычыне парушэнняў устаноўленых правілаў. Калі ж выконваць рэжым працы і адпачынку згодна з пастановай Мінтранса, ніякага засынання за рулём не будзе. Такім чынам, гаворка ідзе аб так званым чалавечым фактары, інакш кажучы, сам кіроўца адказны за тое, што адбываецца на дарозе. З боку ж кантрольных органаў праводзяцца ўсе мерапрыемствы, закліканыя гарантаваць бяспеку пасажыраў і кіроўцаў.

Акрамя таго, як растлумачыў Сяргей НАВАСЕЛЬЦАЎ, загадчык аддзела даследаванняў у галіне бяспекі транспартнай дзейнасці БелНДІТ «Транстэхніка», вывучаецца вопыт замежных калег. У прыватнасці, пільная ўвага надаецца таму, як у іншых краінах праводзіцца падрыхтоўка кіроўцаў. Цяжка не пагадзіцца, што ад кваліфікацыі і фізічнага стану шафёра напрамую залежыць бяспека аўтамабільнага руху. І тут шматгадовыя напрацоўкі замежных калег могуць дапамагчы істотна палепшыць сітуацыю на нашых дарогах.

Сяргей КУЛАКОЎ

Загаловак у газеце: Не спі — загінеш

Выбар рэдакцыі

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».

Грамадства

Як працуюць сапёры?

Як працуюць сапёры?

Больш за ўсё «сюрпрызаў» з часоў Вялікай Айчыннай вайны было знойдзена ў Докшыцкім, Талачынскім, Асіповіцкім і Лагойскім раёнах.