Вы тут

Якія віды прадпрымальніцкай дзейнасці арганізуюць беспрацоўныя?


Як паведамілі ў Мінпрацы, сёлета ў першым паўгоддзі субсідыі для арганізацыі сваёй справы атрымалі 923 беспрацоўныя, большасць з якіх — на арганізацыю прадпрымальніцкай дзейнасці.


Мы пацікавіліся, якія віды самазанятасці карыстаюцца большым попытам сярод тых, хто скарыстаўся фінансавай дапамогай. Як высветлілася, перавага аддаецца арганізацыі сваёй справы ў сферы рознічнага гандлю. Таксама былыя беспрацоўныя ахвотна аказваюць паслугі ў сферы будаўніцтва, электрамантажных, тынкавальных, сантэхнічных ды іншых работ, а яшчэ шмат прапаноў звязана з дзейнасцю аўтамабільнага грузавога транспарту і таксі.

Дарэчы, памер грашовай дапамогі для арганізацыі сваёй справы не заўсёды аднолькавы. Ён залежыць ад месца і віду занятку. Так, разлічваць на субсідыю ў памеры 11 бюджэтаў пражытковага мінімуму (з 1 жніўня бягучага года БПМ складае 213,67 рубля) могуць беспрацоўныя, якія ў сувязі са становішчам на рынку працы не маюць магчымасці атрымаць прыдатную працу і ствараюць найбольш значныя для сваёй мясцовасці віды прадпрымальніцкай дзейнасці, якія вызначаюцца мясцовымі выканаўчымі і распарадчымі органамі. За першае паўгоддзе, напрыклад, такую субсідыю атрымалі 744 беспрацоўныя.

Дапамогу ў 15 БПМ могуць атрымаць пры арганізацыі прадпрымальніцкай дзейнасці, дзейнасці па аказанні паслуг у сферы аграэкатурызму, рамесніцкай дзейнасці беспрацоўныя, якія жывуць у малых і сярэдніх гарадах з высокай напружанасцю на рынку працы. Іх спіс вызначаецца дзяржаўнымі і (ці) абласнымі праграмамі садзейнічання занятасці насельніцтва. Такім правам скарысталіся за 6 месяцаў бягучага года 179 беспрацоўных.

І нарэшце, на самы вялікі памер дапамогі — 20 БПМ — могуць разлічваць беспрацоўныя пры арганізацыі прадпрымальніцкай дзейнасці, звязанай з укараненнем вынікаў навуковых даследаванняў і распрацовак. Гаворка ідзе аб аб'ектах права прамысловай маёмасці: вынаходкі, карысныя мадэлі, прамысловыя ўзоры, сарты раслін, тапалогіі інтэгральнай мікрасхемы.

Больш падрабязна глядзіце ў інфаграфіцы

Загаловак у газеце: Грошы на ваш бізнес

Выбар рэдакцыі

Грамадства

АЭС у Астраўцы гатова да імітацыі работы ядзернага рэактара

АЭС у Астраўцы гатова да імітацыі работы ядзернага рэактара

Першы энергаблок Беларускай АЭС гатовы на 95 %, другі — на 70 %. 

Грамадства

У Мінску прайшоў фінал ІV Рэспубліканскага конкурсу «Сям'я года»

У Мінску прайшоў фінал ІV Рэспубліканскага конкурсу «Сям'я года»

Самыя актыўныя і пазітыўныя шматдзетныя сем'і з усіх абласцей краіны сабраліся ў сталічным Палацы культуры прафсаюзаў.

Грамадства

Фітнес-трэнер для матуль у дэкрэце Святлана Немірка распавядае пра сакрэты прафесіі

Фітнес-трэнер для матуль у дэкрэце Святлана Немірка распавядае пра сакрэты прафесіі

Актыўная мама — гэта не толькі трэнд, але і жыццёвая неабходнасць у сучасным свеце.

Грамадства

«Тата вернецца, калі ападуць усе лісцікі». Чаму сямейная падтрымка неацэнная для салдата

«Тата вернецца, калі ападуць усе лісцікі». Чаму сямейная падтрымка неацэнная для салдата

Трывалая сувязь з блізкімі і роднымі вельмі важная для чалавека, які служыць у войску.