Вы тут

Акадэмію кіравання «штурмуюць» дзяўчаты


Вынікі прыёмнай кампаніі падвялі ў Акадэміі кіравання пры Прэзідэнце Рэспублікі Беларусь. Усяго на першы курс для атрымання вышэйшай адукацыі І ступені было залічана 197 чалавек:: з іх на навучанне за кошт сродкаў рэспубліканскага бюджэту 100 чалавек і 97 — на платнай аснове. Сярод абітурыентаў, будучых першакурснікаў Інстытута кіраўніцкіх кадраў,  73% маюць сумарны бал ад 300 і вышэй.


Па інфармацыі прэс-службы акадэміі, прахадны бал на бюджэтнай форме навучання на спецыяльнасці “дзяржаўнае кіраванне і права” быў 343 (у 2017 годзе — 338), “дзяржаўнае кіраванне і эканоміка” — 336 (у 2017 годзе —291), “кіраванне інфармацыйнымі рэсурсамі” — 341 (у 2017 годзе — 310). На платнай форме навучання на спецыяльнасці “дзяржаўнае кіраванне і права” — 282 бала (у 2017 годзе — 292), “дзяржаўнае кіраванне і эканоміка” — 263 бала (у 2017 годзе — 168), “кіраванне інфармацыйнымі рэсурсамі” — 239 балаў (у 2017 годзе — 196).

Сярод залічаных у Інстытут кіраўніцкіх кадраў 67 чалавек (34% ад агульнай колькасці) узнагароджаны залатым ці сярэбраным медалём пасля заканчэння навучальнай установы. Уключаны ў банк адоранай моладзі два чалавекі (1%). Выпускнікоў ліцэяў і гімназій — 100 чалавек  (51% залічаных). Уладальнікаў стабальных сертыфікатаў ЦТ — трое. 

З агульнай колькасці залічаных 21 працэнт мінчан, а 79 працэнтаў — іншагароднія абітурыенты. Дзяўчат сярод будучых першакурснікаў 72 працэнта, юнакоў адпаведна толькі 28 працэнтаў.

Надзея НІКАЛАЕВА

Выбар рэдакцыі

Грамадства

Не трапіць у рабства анлайн. Як у краіне змагаюцца з гандлем людзьмі

Не трапіць у рабства анлайн. Як у краіне змагаюцца з гандлем людзьмі

З 2000 года ў Беларусі выяўлена 4421 злачынства, звязанае з гандлем людзьмі.

Эканоміка

Дзесяць пытанняў пра крэдыты, або Што трэба ведаць аб крэдыце, каб ён стаў сродкам рэалізацыі мэт, а не цяжарам на плячах

Дзесяць пытанняў пра крэдыты, або Што трэба ведаць аб крэдыце, каб ён стаў сродкам рэалізацыі мэт, а не цяжарам на плячах

Пра што абавязкова трэба падумаць перад тым, як браць на сябе фінансавыя абавязацельствы перад банкам?

Спорт

Замена Алімпіядзе. Беларуская лёгкаатлетычная

Замена Алімпіядзе. Беларуская лёгкаатлетычная

Беларуская федэрацыя лёгкай атлетыкі зладзіла свае гульні.