Вы тут

Кніжныя стасункі пашыраюцца


У Міністэрстве інфармацыі Рэспублікі Беларусь прайшло пасяджэнне беларускай часткі каардынацыйнай групы па рэалізацыі «Праекта перакладу і публікацыі класічных літаратурных твораў Кітая і Беларусі».


Нагодай для шырокай размовы стала падрыхтоўка да ўдзелу беларускай дэлегацыі ў Міжнароднай кніжнай выстаўцы-кірмашы Bеіjіng Іntеrnаtіоnаl Bооk Fаіr (BІBF 2018), якая пройдзе ў жніўні ў Пекіне. Міністр інфармацыі Аляксандр Карлюкевіч адзначыў, што ў апошнія некалькі гадоў у Беларусі дастаткова актыўна наладжаны адносіны перакладчыкаў мастацкай літаратуры Кітая на беларускую мову з пісьменнікамі і выдаўцамі Кітая. Як вынік — плённая дзейнасць выдавецтва «Мастацкая літаратура» і Выдавецкага дома «Звязда». У адной толькі серыі кніг «Светлыя знакі: паэты Кітая» пабачылі свет дванаццаць паэтычных зборнікаў, палова з якіх — адразу на дзвюх мовах: беларускай і кітайскай. Выдавецтва «Мастацкая літаратура» пайшло далей за іншыя выдавецкія структуры, наладзіўшы партнёрскія адносіны з кітайскім бокам як фундатарам цэлага шэрагу кніжных праектаў. У верасні 2019 года мяркуецца адкрыццё адмысловых «кітайскіх паліц» у адной з мінскіх кнігарань «Белкнігі». З пэўнымі ідэямі да ўдзелу ў міжнароднай выстаўцы ў Пекін выпраўляецца і рэдакцыя часопіса «Вясёлка». Пра гэтыя і іншыя планы ішла размова на пасяджэнні беларускай часткі каардынацыйнай групы па рэалізацыі «Праекта перакладу і публікацыі класічных літаратурных твораў Кітая і Беларусі».

У час паездкі ў Кітай ад імя Міністэрства інфармацыі Цэнтру культуры Беларусі ў Другім Пекінскім універсітэце замежных моў будзе перададзена бібліятэка сучаснай беларускай літаратуры.

Сяргей ШЫЧКО

Выбар рэдакцыі

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.

Грамадства

Як у калоніі жывуць мамы з дзецьмі

Як у калоніі жывуць мамы з дзецьмі

Як гэта — бачыцца з дзецьмі па раскладзе.

Культура

Акцёр Віктар Манаеў: Жыццё само па сабе з'яўляецца камедыяй

Акцёр Віктар Манаеў: Жыццё само па сабе з'яўляецца камедыяй

Размова пра сучаснае стаўленне да культуры, гастролі Купалаўскага тэатра ў савецкія часы і здымкі ў фільме «Ідзі і глядзі».