У Кітаі вынайшлі новы матэрыял.
Кітайскія навукоўцы стварылі новы матэрыял, здольны чысціць забруджаную ваду пад уздзеяннем святла. Пра гэта паведамілі інфармагенцтву ў Шанхайскім інстытуце хіміі сілікатаў Акадэміі навук Кітая, перадае "Жэньмінь жыбаа" анлайн".
Матэрыял уяўляе сабой сумесь графена і двухвокісу тытана. У прыватнасці, як расказаў навуковы кіраўнік інстытута Хуан Фуцян, графен, дзякуючы трохмернай структуры, "схоплівае бруд", а двухвокіс тытана, быўшы фотакаталізатарам, паскарае працэс фотахімічнай дэградацыі атрутных арганічных рэчываў.
На працягу месяца навуковыя супрацоўнікі інстытута тэставалі распрацоўку на тэрыторыі горада Шанхай і правінцый Аньхой і Цзянсу на ўсходзе Кітая. Згодна з вынікамі выпрабаванняў, паказчыкі якасці вады ў рэках і азёрах прыкметна павысіліся праз два тыдні пасля размяшчэння сетак з пакрыццём з новага матэрыялу.
Новы матэрыял дазваляе эфектыўна зніжаць канцэнтрацыю цяжкіх металаў і можа шырока выкарыстоўвацца для ачысткі прамысловых сцёкавых вод, адзначыў Хуан Фуцян. Матэрыял ужо вырабляецца ў прамысловых маштабах.
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.