Вы тут

Рэцэпты страў з кабачкоў


Тонкія блінцы з кабачкоў

Спатрэбіцца: 800 г кабачкоў; 2 яйкі; шклянка малака; 1-1,5 шклянкі мукі; пучок кропу або пятрушкі; 2 ст. л. алею; соль на смак.

Кабачкі надзярыце на самай дробнай тарцы. Дробна нарэжце зяленіва. Гэта можа быць кроп або пятрушка, каму што больш падабаецца. Узбіце яйка з соллю. Дадайце малако і змяшайце. У тую ж ёмістасць усыпце прасеяную муку і ўзбіце цеста да аднастайнага стану. Дадайце надзёртыя кабачкі, здробненую пятрушку і дзве лыжкі алею. Змяшайце ўсё да аднастайнасці, дайце цесту пастаяць хвілін дзесяць і выпякайце блінцы. Блінцы з кабачкоў асабліва смачна есці са смятанна-часночным соусам. Для яго прыгатавання змяшайце 250 мл густой смятаны са здробненым часнаком і кропам. Можна крыху падсаліць.


Хуткая пікантная закуска — марынаваныя кабачкі

Спатрэбіцца: маладыя кабачкі — 500 г; соль — 0,5 ч. л. Для марынаду: яблычны воцат 6 % — 3 ст. л.; мёд — 2 ст. л.; 3 зубчыкі часнаку; алей — 2 ст. л.; кроп — некалькі галінак; перац чорны на смак.

Кабачкі тонка нарэзаць з дапамогай агародніначысткі. Пасыпаць соллю і пакінуць на 30 хвілін, каб сышла лішняя вільгаць. Вадкі мёд змяшаць з воцатам, здробненым часнаком, алеем, дробна нарэзаным кропам і чорным перцам. Адкінуць кабачкі на друшляк і даць сцячы лішняй вадкасці. Перакласці ў міску, паліць марынадам, змяшаць і паставіць у халадзільнік на 3-4 гадзіны. Гатовую закуску можна захоўваць у халадзільніку 3-5 дзён.

Дадаць каментар

Выбар рэдакцыі

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.

Грамадства

Беларускія навукоўцы прадставілі больш за 300 распрацовак і тэхналогій

Беларускія навукоўцы прадставілі больш за 300 распрацовак і тэхналогій

На юбілейнай выстаўцы Нацыянальнай акадэміі навук.

Эканоміка

Ніна Жалязнова: Мы, беларусы, па сваёй ментальнасці — людзі зямлі

Ніна Жалязнова: Мы, беларусы, па сваёй ментальнасці — людзі зямлі

«Звязда» ўжо неаднойчы пісала пра гэту незвычайную жанчыну.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ўрокі іншай мовы і шчасце, калі ў доме гаспадар.