Вы тут

У Мінску папярэдзілі ўгон паветранага карабля


Падчас камп'ютарных камандна-штабных вучэнняў

У гэтыя дні ў Беларусі праходзіць сумеснае камп'ютарнае камандна-штабное вучэнне аб'яднанай сістэмы проціпаветранай абароны дзяржаў — удзельніц СНД «Рэгіянальная бяспека — 2018». Яно праводзіцца на базе аўтаматызаванага дапаможнага пункта кіравання ВПС і войскаў ППА.


— Падчас практычнага этапу вучэнняў мы адпрацавалі такія сітуацыі, якія найбольш часта могуць сустрэцца, — расказаў камандуючы Ваенна-паветранымі сіламі і войскамі проціпаветранай абароны Узброеных Сіл Беларусі Ігар Голуб. — Першая — угон паветранага судна тэрарыстамі. Таксама мы праверылі алгарытм дзеянняў падчас парушэння дзяржаўнай мяжы баявым паветраным суднам. Трэці эпізод — з-за форс-мажорных абставін яно згубіла візуальную арыенціроўку. У тым выпадку, калі лётчык і экіпаж не могуць сарыентавацца, дзе яны знаходзяцца, то дзяжурныя сілы па проціпаветранай абароне павінны прыйсці ім на дапамогу. У гэтай сітуацыі мы ажыццяўляем перахоп. Што гэта такое? Мы падводзім паветранае судна-перахватчыка да таго, якое страціла арыенціроўку, пасля чаго і выводзім яго на зададзены маршрут. Калі камандзір экіпажа дакладвае аб тым, што арыенціроўка адноўлена, то мы лічым, што задача выканана.

Валяр'ян ШКЛЕННІК

Выбар рэдакцыі

Грамадства

Успаміны бортмеханіка верталёта пра Афганістан

Успаміны бортмеханіка верталёта пра Афганістан

У лётнай кніжцы Сяргея Пацкевіча — 970 гадзін налёту.