Вы тут

Віцебскай губернскай міліцыі ўчора споўнілася 100 гадоў


Віцебскай губернскай міліцыі ўчора споўнілася 100 гадоў. Сярод шматлікіх віншаванняў было і ад міністра ўнутраных спраў Ігара Шуневіча.


«Гэтае свята — даніна павагі найлепшым традыцыям служэння народу і краіне, якія закладваліся многімі пакаленнямі праваахоўнікаў рэгіёна. Адзначаючы векавы юбілей, вы маеце права ганарыцца сапраўднымі прафесіяналамі, для якіх служба ў органах унутраных спраў гэта не толькі пакліканне — гэта лёс і цэлае жыццё. Подзвігі супрацоўнікаў, якія не шкадуючы сябе абаранялі законныя інтарэсы і правы грамадзян, — вось той трывалы падмурак, на якім вам трэба будзе будаваць найноўшую гісторыю сваіх падраздзяленняў», — павіншаваў падначаленых генерал-лейтэнант міліцыі.

На яго думку, асаблівы гонар выклікае тое, што расце колькасць міліцэйскіх дынастый, якія беражліва захоўваюць і прымнажаюць традыцыі бацькоў і дзядоў.

«Прадстаўнікі старэйшага пакалення міліцыянераў — узор самаахвярнага служэння Айчыне. Ім — словы ўдзячнасці і шчырыя пажаданні добрага здароўя і бадзёрасці духу», — падкрэсліў член урада.

У сваю чаргу з юбілеем павіншаваў калег і ветэранаў начальнік УУС Віцебскага аблвыканкама, генерал-маёр міліцыі Іван Кубракоў.

«Векавы летапіс нашай гісторыі ўвабраў у сябе незлічонае мноства яркіх сведчанняў бескарыслівага служэння Радзіме і вернасці прысязе. За гэтымі словамі — напружаная праца і бяссонныя ночы ўсіх, хто служыў і служыць у органах унутраных спраў. Гэта моцныя і бясстрашныя людзі, вопытныя спецыялісты, якія абралі складаную прафесію, якая патрабуе ад кожнага работніка высокай прафесійнай падрыхтоўкі і адказнасці. А гэта дадзена не кожнаму», — канстатаваў ён.

15 жніўня 1918 года было створанае Віцебскае губернскае ўпраўленне, якое і ажыццяўляла агульнае кіраўніцтва органамі аховы правапарадку.

Ганаровыя мерапрыемствы ў абласным цэнтры ў сувязі з юбілеем арганізуюць пазней. «Звязда», у якой нямала падпісчыкаў сярод міліцыянераў, абавязкова пра гэта раскажа.

Аляксандр ПУКШАНСКІ

Дадаць каментар

Выбар рэдакцыі

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.

Грамадства

Беларускія навукоўцы прадставілі больш за 300 распрацовак і тэхналогій

Беларускія навукоўцы прадставілі больш за 300 распрацовак і тэхналогій

На юбілейнай выстаўцы Нацыянальнай акадэміі навук.

Эканоміка

Ніна Жалязнова: Мы, беларусы, па сваёй ментальнасці — людзі зямлі

Ніна Жалязнова: Мы, беларусы, па сваёй ментальнасці — людзі зямлі

«Звязда» ўжо неаднойчы пісала пра гэту незвычайную жанчыну.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ўрокі іншай мовы і шчасце, калі ў доме гаспадар.