З рэспубліканскага бюджэту за кошт рэзервовага фонду Прэзідэнта Беларусі будзе выдзелена амаль Br77 млн на рэалізацыю мерапрыемстваў па падрыхтоўцы і правядзенні II Еўрапейскіх гульняў 2019 года. Адпаведны ўказ №315 кіраўнік дзяржавы Аляксандр Лукашэнка падпісаў 15 жніўня, паведамілі ў прэс-службе беларускага лідара.
Гэтыя сродкі накіруюць на правядзенне работ па капітальным і бягучым рамонце, добраўпарадкаванні Палаца спорту, рэспубліканскіх цэнтраў алімпійскай падрыхтоўкі па вяслярных відах спорту і па тэнісе, падрыхтоўку спартыўных аб'ектаў па месцы пражывання ўдзельнікаў Еўрапейскіх гульняў і інтэрнаты для рассялення частцы студэнтаў, якія пражываюць у комплексе "Студэнцкая вёска".
Акрамя таго, частку грашовых сродкаў з гэтай сумы выдзеляць на размяшчэнне тэматычных матэрыялаў у вядучых еўрапейскіх сродках масавай інфармацыі, арганізацыю і правядзенне допінг-кантролю спартсменаў, набыццё паслуг праграмна-тэхнічнага блока для правядзення спаборніцтваў.
Савету Міністраў даручана пры фарміраванні рэспубліканскага бюджэту на 2019 г. прадугледзець грашовыя сродкі для працягу рэалізацыі названых мерапрыемстваў.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».