26 Верасень, серада

Вы тут

Два механізатары з Магілёўшчыны першымі намалацілі 4 тысячы тон збожжа


Механізатары Магілёўскай вобласці Аляксей Макосаў і Мікалай Мінчанка першымі ў краіне намалацілі чатыры тысячы тон збожжа.


Агракамбінат «Зара» ў Магілёўскім раёне працягвае дэманстраваць высокія тэмпы ўборачнай кампаніі. Яшчэ тыдзень таму тут віншавалі першых у вобласці трохтысячнікаў жніва — старшага камбайнера Аляксея Макосава і яго памочніка Мікалая Мінчанку. І вось яны зноў у лідарах. Учора з раніцы пераможны экіпаж сустракалі на ўскрайку поля прадстаўнікі кіраўніцтва вобласці, мясцовай улады, прафсаюзнай арганізацыі, журналісты, каб павіншаваць руплівых механізатараў з новым рэкордам — чатыры тысячы тон збожжа. Гэта першы ў краіне экіпаж, які дасягнуў такіх высокіх вынікаў. Камбайнеры атрымалі падзячныя лісты, грашовыя прэміі і каштоўныя падарункі. Граматамі і падарункамі ўшанавалі таксама трохтысячнікаў (два экіпажы) і двухтысячнікаў (сем экіпажаў) гаспадаркі, а таксама кіроўцаў, якія перавезлі дзве і тры тысячы тон ураджаю.

— Вельмі прыемна, калі тваю працу адзначаюць, — падзяліўся эмоцыямі Аляксей Макосаў. — Але высокія паказчыкі — гэта ў першую чаргу заслуга ўсіх работнікаў гаспадаркі. Наша задача толькі добрасумленна працаваць. Ставім са сваім памочнікам мэту сабраць яшчэ тысячу і болей тон ураджаю.

На сённяшні дзень збожжавыя і зернебабовыя ў «Зары» сабраны на 70 % плошчаў, іх ураджайнасць склала больш за 67 ц/га.

У вобласці практычна завяршыў уборку збожжавых і зернебабовых Кіраўскі раён. На 98 % убраны плошчы ў Клічаўскім раёне. Сярод лідараў жніва — 108 экіпажаў, у тым ліку 15 маладзёжных: яны намалацілі тысячу і болей тон збожжа.

На раніцу 16 жніўня на Магілёўшчыне было ўбрана 82 % збожжавых і зернебабовых, валавы намалот склаў 666,2 тысячы тон збожжа пры сярэдняй ураджайнасці 26,9 цэнтнера з гектара. Па ўраджайнасці лідзіруе Шклоўскі раён — 44 цэнтнера з гектара, другое і трэцяе месцы ў горацкіх (35,5 ц/га) і магілёўскіх (31,8 ц/га) хлебаробаў адпаведна.

Нэлі ЗІГУЛЯ

Фота Марыям ТАБАГАРЫ

Загаловак у газеце: І чатыры тысячы — не мяжа

Дадаць каментар

Выбар рэдакцыі

Палітыка

Уладзімір Андрэйчанка расказаў пра найбольш значныя законапраекты

Уладзімір Андрэйчанка расказаў пра найбольш значныя законапраекты

 «Толькі агульнымі намаганнямі мы зможам супрацьстаяць няпростым выклікам часу».

Грамадства

Як у Беларусі абясшкоджваюць боепрыпасы

Як у Беларусі абясшкоджваюць боепрыпасы

​Колішняя Беларуская ваенная акруга лічылася адной з самых магутных у СССР.

Грамадства

Шчырая размова з вядомым педагогам пра бацькоўскія сумненні і страхі

Шчырая размова з вядомым педагогам пра бацькоўскія сумненні і страхі

«Калі ў вас адкрыўся рот, каб накрычаць на дзіця, спыніцеся хоць на секунду…» 

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі.