Найбольш неспрыяльная сітуацыя па колькасці інсодавых кляшчоў адзначаецца ў шасці зялёных зонах Мінска, паведаміла сёння на пасяджэнні рабочай групы па пытаннях утрымання і добраўпарадкавання тэрыторыі сталіцы намеснік галоўнага ўрача Мінскага гарадскога цэнтра гігіены і эпідэміялогіі Святлана Ярмак, перадае БЕЛТА.
У спісе значацца лясныя масівы каля Цнянскага вадасховішча ў раёне Цны, МКАД і вул. Мірашнічэнкі (2 экзэмпляры на кв.км), Сцяпянскі і Сляпянскі лясныя масівы (5-5,5), лес у Дражні (да 9), лесапаркі па вул. Капіевіча- Агінскага (да 1,5) і па вул. Нікіфарава-Русіянава.
Спецыялісты санэпідслужбы Мінска за сем месяцаў бягучага года правялі 450 энтамалагічных абследаванняў паркаў, сквераў, дзіцячых летніх аздараўленчых устаноў, прыгарадных зон масавага адпачынку. "Спрыяльныя ўмовы надвор'я садзейнічалі размнажэнню іксодавых кляшчоў. Усяго абследавана 130 гарадскіх тэрыторый, на 17 паказчыкі колькасці былі вышэйшыя за дапушчальныя. Цяпер такіх шэсць лесапаркаў. Тут штогод рэгіструюцца кляшчы", - адзначыла Святлана Ярмак.
Колькасць зваротаў у арганізацыі аховы здароўя за меддапамогай з-за ўкусаў кляшчоў з пачатку года вырасла на 8 працэнтаў. У 14 працэнтах выпадкаў пацыенты былі ўкушаны на тэрыторыі Мінска.
Санэпідслужба рэкамендуе пры планаванні адпачынку на прыродзе не забываць пра меры асабістай прафілактыкі: максімальна закрытае адзенне, прымяненне рэпелентаў, сама- і ўзаемаагляд. Пры ўкусах кляшчоў неабходна як мага хутчэй звярнуцца да ўрача для прафілактычнага лячэння, якое назначаецца ў першыя 72 гадзіны.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
