Вы тут

Пра беларускую культуру ў Азербайджане ведаюць


У папулярных выданнях Азербайджана — «525 газета» і «Литературная газета» — надрукаваны вялікі нарыс азербайджанскага пісьменніка пра беларускага мастака.


Празаік і публіцыст Камран Назірлі расказвае пра беларускага мастака азербайджанскага паходжання Каміля Камала, дзеліцца сваімі развагамі аб сустрэчы ў яго майстэрні. Варта нагадаць, што Каміль Камал — з тых мастакоў, што працуюць у цесным сяброўстве з творцамі іншых прафесій. Адпаведная і ўвага з боку мастакоў слова. Пра Каміля Камала пісалі паэты і празаікі Рыгор Барадулін, Кірыл Зеляны, Уладзімір Сцяпан, Цімур Зульфікараў, Навум Гальпяровіч, Юлія Алейчанка, Мікола Мятліцкі... Нарыс Камрана Назірлі, між іншым, называецца: «Голас маўчання, альбо Пра Маляўнічы свет грамадзяніна і мастака Азербайджана і Беларусі азербайджанца Каміля Камала». Аўтар акцэнтуе ўвагу на ўсходніх матывах у творчасці мінскага жывапісца, графіка, скульптара.

Што да самога Камрана Назірлі, то ён не аднойчы гасцяваў у Беларусі, удзельнічаў у сустрэчах беларускіх і замежных пісьменнікаў, якія традыцыйна праходзяць у Мінску ў лютым і верасні і ладзяцца пад эгідай Міністэрства інфармацыі Рэспублікі Беларусь і Саюза пісьменнікаў Беларусі, пры самым актыўным удзеле Выдавецкага дома «Звязда». Як празаік азербайджанскі творца выступаў з апавяданнем у перакладзе на беларускую мову ў газеце «Літаратура і мастацтва». У Мінску рыхтуецца да друку кніга Камрана Назірлі. Выйдзе яна, безумоўна, на беларускай мове.

Дзякуючы намаганням азербайджанскага літаратара, у Баку надрукаваны кнігі пісьменнікаў з Беларусі Мікалая Чаргінца, Анатоля Матвіенкі. У перыядычным друку змешчаны і перакладзеныя Камранам Назірлі творы іншых беларускіх празаікаў. Сярод яшчэ ненадрукаваных прац — і пераўвасобленая на азербайджанскую мову аповесць лаўрэата Нобелеўскай прэміі ў галіне літаратуры Святланы Алексіевіч «У вайны не жаночы твар». Адметна, што і сваіх калег Камран Назірлі прыцягвае да супрацоўніцтва з беларускім бокам. З яго падказкі ў апошнія гады некалькі разоў выступала ў беларускай літаратурна-мастацкай перыёдыцы доктар філалагічных навук з Баку Ірада Мусаева — з рэцэнзіямі, артыкуламі не толькі пра сучасную азербайджанскую літаратуру, але і пра творчасць Святланы Алексіевіч, Алены Брава.

Мікола РАЎНАПОЛЬСКІ

Выбар рэдакцыі

Культура

Мікалай Пінігін: Каб ведаў як, сам напісаў бы класную сучасную п'есу

Мікалай Пінігін: Каб ведаў як, сам напісаў бы класную сучасную п'есу

На рахунку рэжысёра і мастацкага кіраўніка Купалаўскага тэатра Мікалая Пінігіна больш за семдзесят спектакляў, і па некаторыя з іх хоць зараз ідзі на вуліцу Энгельса. 

Грамадства

Расказваем пра тое, як на Брэстчыне раней гатавалі варэнне і як гэта робяць цяпер

Расказваем пра тое, як на Брэстчыне раней гатавалі варэнне і як гэта робяць цяпер

Аказваецца, у нашых вёсках амаль да другой паловы ХХ стагоддзя не мелі звычкі нарыхтоўваць яго, не ведалі, як варыцца.

Спорт

Як у Бабруйску рыхтуюць будучых чэмпіёнаў

Як у Бабруйску рыхтуюць будучых чэмпіёнаў

Менавіта з Бабруйска выйшлі прызёры самых прэстыжных сусветных турніраў па веславанні, барацьбе, боксе, шахматах, лёгкай і цяжкай атлетыцы.

Грамадства

Прадпрыемствы ЖКГ займаюцца адловам беспрытульных жывёл. Але ці павінны яны гэта рабіць?

Прадпрыемствы ЖКГ займаюцца адловам беспрытульных жывёл. Але ці павінны яны гэта рабіць?

Летась у Мінскай вобласці адлавілі больш за пяць тысяч бадзяжных жывёл, толькі 203 з іх знайшлі свой дом. Толькі ўявіце сабе, як лічбы адлову павялічваюцца ў маштабах усёй краіны!