26 Верасень, серада

Вы тут

Самая вялікая ў Беларусі назіральная пляцоўка адкрылася ў Гродне


З першага дня пляцоўка стала папулярнай у гродзенцаў і гасцей горада. Многія падняліся на вышыню, каб палюбавацца цэнтральнай часткай старога Гродна, зрабіць фотасесію ці пасядзець у летнім кафэ.


Пляцоўка знаходзіцца на даху былога ўнівермага, а цяпер гандлёвага дома «Нёман», што ў цэнтры Гродна. Усе ахвотныя могуць падняцца на вышыню 25 метраў на панарамным ліфце альбо па лесвіцы.

У гандлёвым доме расказалі, што плошча новага аб'екта складае 800 квадратных метраў. Гэта самая вялікая назіральная пляцоўка ў Беларусі. Яна падзелена на зону адпачынку — лаўнж-кафэ на 100 месцаў — і тэрыторыю для праменаду. Трэба сказаць, што Гродна адзіны абласны цэнтр, дзе адкрыта кафэ на даху, такой установай можа пахваліцца толькі Мінск. А вось сталы сапраўды эксклюзіўныя. Стальніцы зроблены са старога паркету яшчэ савецкіх часоў. Як высветлілася, ён захоўваўся доўгі час у кабінетах універмага. Новае жыццё старому матэрыялу далі майстры з Санкт-Пецярбурга.

Пляцоўка ў цэнтры Гродна атрымала назву «Дахі старога горада» і будзе адкрыта для ўсіх наведвальнікаў кожны дзень да позняга вечара.

Убачыць стары горад зверху можна будзе не толькі летам, але і ў любую пару года. У халоднае надвор'е наведвальнікам прапануюць цёплыя пледы, а вось кафэ зімой працаваць не будзе. Назіраць за жыццём горада можна, седзячы на зручных лаўках, да якіх прыладжаны невялічкія столікі. Таксама можна ўтульна размясціцца ў плеценых крэслах. Аб'ект мае ўсе падставы, каб стаць новай візітоўкай горада.

Маргарыта УШКЕВІЧ

Загаловак у газеце: Над дахамі старога горада

Дадаць каментар

Выбар рэдакцыі

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі. 

Спорт

Цырымонія развітання з Анатолем Капскім прайшла ў «Барысаў-Арэне»

Цырымонія развітання з Анатолем Капскім прайшла ў «Барысаў-Арэне»

Грамадзянская паніхіда працягвалася больш за дзве гадзіны ў "Барысаў-Арэне".

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.