Вы тут

Узрост для наведвальнікаў казіно павялічылі да 21 года


Гэта мера прадугледжана Указам Прэзідэнта № 305 «Аб удасканаленні прававога рэгулявання ігральнага бізнесу».


«У Рэспубліцы Беларусь ужо быў рэалізаваны шэраг мер, якія накіраваны на сацыяльную абарону грамадзян. Гэта і механізм самаабмежавання, і абарона асоб, якія не ўсведамляюць, што ў іх ужо ёсць прывязанасць да азартных гульняў. Тым не менш яны ставяць сваіх родных у цяжкае матэрыяльнае становішча, адпаведна сваякі могуць праз судовы парадак абмежаваць такіх асоб. Шырокая дыскусія была ў грамадстве на прадмет таго, ці дастаткова 18 гадоў, каб абмежаваць асобе наведванне ігральных устаноў. Таму мы з улікам сусветнага вопыту глыбока вывучылі гэтае пытанне, і кіраўнік дзяржавы пагадзіўся з прапановай, каб павялічыць узроставы парог», — паведаміў Уладзімір Муквіч, намеснік міністра па падатках і зборах, падчас сустрэчы ў Нацыянальным прэс-цэнтры.

Новаўвядзенні прадугледжваюць і іншыя меры кантролю. Дакладна вызначаны месцы, дзе арганізатары гульняў павінны ўстанавіць відэакамеры, — пры ўваходзе, у залах, каля кас, дзе выплачваюцца выйгрышы.

Прынцыпова прагрэсіўны характар дакумента ў тым, што ўпершыню прапісаны механізмы легалізацыі віртуальных казіно. У Рэспубліцы Беларусь гэта дзейнасць была забаронена. Па словах спецыялістаў, росту колькасці анлайн-казіно не будзе, таму што ўмовы рэгістрацыі дастаткова жорсткія. Асноўнае патрабаванне — устаноўка спецыяльных камп'ютарных касавых сістэм, з дапамогай якіх ажыццяўляецца дзяржаўны кантроль гэтага бізнесу. Неабходны залогавы фонд для арганізатараў гульняў, які б забяспечваў выплаты. Яшчэ адзін момант — надзейная сістэма абароны персанальнай інфармацыі аматараў азартных гульняў.

Указ змяшчае і меры лібералізацыі для арганізацый, якія праводзяць азартныя гульні.

«Пры ўключэнні мадэляў гульнявых аўтаматаў у дзяржаўны рэестр прадугледжана, што могуць прымацца выпрабаванні аўтаматаў, якія праводзіліся ў замежных лабараторыях. Раней гэтай магчымасці не было. З прыняццем указа крыху спрашчаюцца ўмовы ўключэння гульнявых аўтаматаў у дзяржаўны рэестр. Яшчэ адно спрашчэнне вядзення бізнесу — адмена абавязку рэгістрацыі гульнявых аўтаматаў у падатковых органах. Дзейнасць у сферы ігральнага бізнесу вялася такім чынам, што абсталяванне для гульні рэгістравалася ў падатковым органе і яго можна было выкарыстоўваць толькі пасля таго, як яно падключалася да спецыяльнай камп'ютарнай касавай сістэмы. Гэта павялічвала прамежак часу з моманту набыцця абсталявання», — расказаў Уладзімір Муквіч.

Цяпер рэгістраваць у падатковых органах прылады не трэба, гэта функцыя будзе сумешчана з падключэннем аўтамата да касавай сістэмы.

Сапраўдны джэк-пот для ўладальнікаў казіно — змяншэнне стаўкі падаткаў на 50 %, калі абсталяванне выкарыстоўваецца ў падатковым перыядзе менш за 15 дзён, і магчымасць затрымаць выплату выйгрышу ў спрэчных выпадках.

Калі раней букмекерскія канторы прымалі стаўкі з інтэрнэту, то цяпер такую дзейнасць могуць ажыццяўляць толькі віртуальныя ігральныя ўстановы.

Для таго каб установы змаглі прыстасавацца да змен, закон прадугледжвае пераходны перыяд да 1 красавіка 2019 года.

З красавіка 2021 года магчыма блакіроўка віртуальных казіно, якія не атрымалі ліцэнзію.

Будуць удасканальвацца і меры ідэнтыфікацыі карыстальнікаў віртуальных казіно. Прапаноўваецца вэб-ідэнтыфікацыя і з выкарыстаннем лічбавага подпісу.

Марыя ДАДАЛКА

Загаловак у газеце: Правілы гульні

Выбар рэдакцыі

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.

Грамадства

«За больш чым сем год былі ўсяго адны суткі без баявога выезду»

«За больш чым сем год былі ўсяго адны суткі без баявога выезду»

Гісторыя кар'еры падпалкоўніка ў адстаўцы Генадзя Цімахоўцава.

Палітыка

Беларусь і ЕС падпішуць візавае пагадненне не пазней за 2 лютага 2020 года

Беларусь і ЕС падпішуць візавае пагадненне не пазней за 2 лютага 2020 года

Верагодна, гэта адбудзецца ўжо ў гэтым лістападзе. 

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад.