Вы тут

Узбекскі нумар часопіса «Беларусь»


Грамадска-палітычны штомесячнік «Беларусь» выходзіць трыма выпускамі — на розных мовах: беларускай і рускай, кітайскай і англійскай.


Традыцыяй стала рыхтаваць спецыяльныя выпускі выдання, прысвечаныя тым ці іншым краінам, развіццю адносін з якімі дадаецца пэўны прыярытэт. Жнівеньскі нумар «Беларусі» пабачыў свет з «узбекскім выпускам», які адкрываецца гутаркай з Надзвычайным і Паўнамоцным Паслом Рэспублікі Узбекістан у Рэспубліцы Беларусь спадаром Насірджанам Юсупавым. Амбасадар расказвае пра тыя абсягі эканамічных і палітычных зносін, якія сёння характарызуюць памкненні нашых краін да суладных крокаў у развіцці партнёрства. «Паміж нашымі народамі, хоць геаграфічна яны далёкія, вельмі шмат агульнага. Беларусы — гэта такі самы добры, адкрыты, душэўны народ, як і ўзбекі», — выказвае такую думку Насірджан Юсупаў.

У жнівеньскай «Беларусі» — падрабязны расповед пра жыццё і творчасць народнага песняра Беларусі Якуба Коласа ў Ташкенце ў час Вялікай Айчыннай вайны. Між іншым, са сталіцай Узбекістана звязаны і лёсы іншых літаратараў Беларусі — Сцяпана Ліхадзіеўскага, Эдзі Агняцвет, Міхася Модэля, Аркадзя Мардвілкі, Віктара Галаўчынера. Пра беларуска-ўзбекскія літаратурныя сувязі таксама вы зможаце прачытаць на старонках жнівеньскай «Беларусі». «Казбек і іншыя» — нарыс пра узбекістанцаў, якія вызвалялі Беларусь ад нямецка-фашысцкіх захопнікаў. Ёсць у часопісе і старонкі пра нашага земляка з Магілёўшчыны — Героя Савецкага Саюза Гемела Станкевіча, у гонар якога была названа адна з вуліц Ташкента. А яшчэ ў часопісе вы сустрэнецеся з народнай паэтэсай Узбекістана Зульфіёй, два паэтычныя зборнікі якой былі выдадзены ў Мінску на беларускай мове. Яшчэ ў 1960-я гады Зульфія прыязджала ў Мінск, гасцявала ў іншых гарадах Беларусі, а ў час вайны сустракалася ў Ташкенце з Якубам Коласам.

Сяргей Шычко

Выбар рэдакцыі

Грамадства

У Гродне завяршаецца першы этап рэстаўрацыi Старога замка

У Гродне завяршаецца першы этап рэстаўрацыi Старога замка

Стары замак нiколi не меў завершанага выгляду. Яго неаднаразова аднаўлялi i рэканструявалi, таму яго архiтэктура ўтрымлiвае ў сабе стылi некалькiх эпох.

Грамадства

Непаўналетнiя ў крымiнальным працэсе: практычныя нюансы

Непаўналетнiя ў крымiнальным працэсе: практычныя нюансы

Пра асаблiвасцi абароны правоў дзяцей-правапарушальнiкаў (затрыманне, прымяненне мер стрымлiвання, следчыя дзеяннi) расказалi эксперты падчас аднаго з вэбiнараў, якiя сумесна з Рэспублiканскай калегiяй адвакатаў Дзiцячы фонд ААН (ЮНIСЕФ) у Беларусi арганiзаваў яшчэ летам. 

Грамадства

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Каб паглядзець, што тут рыхтуюць да свята і якімі салодкімі навінкамі збіраюцца здзіўляць беларусаў.