Лукашэнка і Пуцін правядуць перамовы ў Сочы

Прэзідэнт Беларусі Аляксандр Лукашэнка накіраваўся з візітам у Расію, паведамляе БЕЛТА са спасылкай на прэс-службу беларускага лідара.

Праграмай візіту запланаваны перамовы з Прэзідэнтам Расіі Уладзімірам Пуціным, якія пройдуць у Сочы. Кіраўнікі дзяржаў падрабязна абмяркуюць шырокі спектр пытанняў у развіцці беларуска-расійскага супрацоўніцтва, узаемадзеянне ў інтэграцыйных аб'яднаннях і на міжнародных пляцоўках, сусветны парадак дня.

Магчымасць сустрэчы ў Сочы лідараў дзвюх краін абмяркоўвалася 23 ліпеня падчас тэлефоннай размовы Аляксандра Лукашэнкі і Уладзіміра Пуціна. Тады кіраўнікі дзяржаў дамовіліся працягнуць узаемныя намаганні ў інтарэсах захавання пазітыўнай дынамікі ўзаемадзеяння.