Вы тут

Салігорск запрашае сяброў!


У наступны ўік-энд шахцёрская сталіца краіны стане месцам культурнага прыцягнення: на працягу трох дзён тут будзе доўжыцца марафон святочных падзей, прымеркаваных да юбілею горада.


24 жніўня зранку запланаваны ўрачыстая цырымонія на Алеі Гонару і адкрыццё мемарыяльных дошак, а ўвечары пройдуць урачыстыя мерапрыемствы, прысвечаныя Дню шахцёра і 60-годдзю стварэння ААТ «Беларуськалій»: на «Салігорск-Арэну» запрашаюць на канцэрт гурта «Любэ». На Цэнтральнай плошчы гасцей свята чакаюць выстаўка рэтрааўтамабіляў, канцэрт з удзелам Ганны Шаркуновай, Алекса Дэвіда ды іншых выканаўцаў, а таксама летні кінатэатр.

У суботу, 25 жніўня, будзе закладзены сквер «Сям'і, Любові і Вернасці», тут усталююць статую заступніцы шахцёраў Варвары, а на вуліцы Падольнай адкрыецца паліклініка.

Урачыстае адкрыццё свята запланавана а 15-й гадзіне на Цэнтральнай плошчы, дзе пройдзе карнавальнае шэсце, прысвечанае 60-годдзю горада.

Увечары тут жа адбудзецца святочны гала-канцэрт з удзелам гурта «Чайф», Дзяніса Майданава, а таксама Ядвігі Паплаўскай, Аляксея Хлястова, Іскуі Абалян, «ДаВінчы» ды іншых папулярных артыстаў.

Завершыць гэты дзень лазернае шоу, святочны салют і маладзёжная начная дыскатэка на адкрытым паветры.

У нядзелю, 26 жніўня, адбудзецца цырымонія закладкі каменя — як сімвала пачатку будаўніцтва парку па вуліцы Набярэжнай. На вуліцы Леніна стартуе рэспубліканскі лёгкаатлетычны прабег, а на пляцоўцы каля адміністрацыйнага будынка ААТ «Беларуськалій» апоўдні ўсіх запрашае на сваю канцэртную праграму Прэзідэнцкі аркестр Беларусі.

Увечары на Цэнтральнай плошчы гасцей чакае народна-забаўляльная музычна-гумарыстычная праграма з удзелам шоу «Алюр», Зінаіды Фурор, Аляксандра Сухарава, дуэтаў «Піва ўдваіх» і «Гром Бабы», гуртоў «Лялькі Карпарэйшн», «Бацька Атаман», «Цягні-штурхай». Уся гэтая весялосць завершыцца рок-батлам паміж «Gypsy jack» (Салігорск — Масква) і «Дзядькам Ванем» з Мінска.

На працягу ўік-энду будзе працаваць экскурсійны праект «Маршрут 60», па якім можна будзе адправіцца ад Палаца культуры. Самых смелых запрашаюць у аглядальныя палёты і скачкі з парашутам. У цэнтральнай частцы горада гасцей чакаюць рамесніцкія і гандлёвыя рады, а дзяцей атракцыёны.

Дадаць каментар

Выбар рэдакцыі

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.

Грамадства

Беларускія навукоўцы прадставілі больш за 300 распрацовак і тэхналогій

Беларускія навукоўцы прадставілі больш за 300 распрацовак і тэхналогій

На юбілейнай выстаўцы Нацыянальнай акадэміі навук.

Эканоміка

Ніна Жалязнова: Мы, беларусы, па сваёй ментальнасці — людзі зямлі

Ніна Жалязнова: Мы, беларусы, па сваёй ментальнасці — людзі зямлі

«Звязда» ўжо неаднойчы пісала пра гэту незвычайную жанчыну.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ўрокі іншай мовы і шчасце, калі ў доме гаспадар.