Вы тут

У льготным спісе — новыя тэрыторыі


На Міншчыне больш за чатыры тысячы сельскіх населеных пунктаў, дзе ёсць прэферэнцыі для прадпрымальнікаў.


На пачатку жніўня адбылася сёмая сесія Мінскага абласнога Савета дэпутатаў, на якой разгледжана пытанне аб унясенні змяненняў у рашэнне Мінскага абласнога Савета дэпутатаў ад 23.11.2017 года № 235 «Аб мерах па рэалізацыі Указа Прэзідэнта Рэспублікі Беларусь ад 22.09.2017 года № 345». Паводле дакумента ўнесены змяненні і расшыраны пералік сельскіх населеных пунктаў і тэрыторый па-за населенымі пунктамі, якія адносяцца да тэрыторый сельскай мясцовасці. Гэты пералік будзе ўключаць населеныя пункты ва ўсіх рэгіёнах Мінскай вобласці, за выключэннем горада Жодзіна.

А таксама асобныя тэрыторыі ўздоўж аўтадарогі М4 (другая кальцавая дарога вакол Мінска, якая праходзіць па тэрыторыях Дзяржынскага, Валожынскага і Мінскага раёнаў). Прыняцце гэтага рашэння накіравана на стымуляванне дзелавой актыўнасці, прадпрымальніцкай дзейнасці, стварэнне спрыяльных умоў для развіцця гандлю, сістэмы грамадскага харчавання і бытавога абслугоўвання цэнтральнага рэгіёна. Дакумент дазволіць індывідуальным прадпрымальнікам, юрыдычным асобам ажыццяўляць рознічны гандаль, грамадскае харчаванне і бытавое абслугоўванне на тэрыторыях і ў населеных пунктах, вызначаных рашэннем, скарыстацца шэрагам ільгот, якія будуць садзейнічаць змяншэнню падатковай нагрузкі на ІП і юрыдычных асоб, і іншымі прэферэнцыямі. Гэта прывядзе да павелічэння колькасці суб'ектаў па абслугоўванні сельскага насельніцтва, стварэння дадатковых рабочых месцаў, паляпшэння бытавога і гандлёвага абслугоўвання сельскіх жыхароў.

Усяго ж на Міншчыне ў спісе больш за чатыры тысячы сельскіх населеных пунктаў, на якія распаўсюджваюцца льготы і прэферэнцыі.

Наша даведка

З 1 студзеня 2018 года прадпрымальнікам, якія працуюць у сферах гандлю, грамадскага харчавання і бытавога абслугоўвання на вёсцы, у сярэдніх і малых гарадах дадзены льготы. Гэта прадугледжана Указам Прэзідэнта ад 22 верасня 2017 года № 345 «Аб развіцці гандлю, грамадскага харчавання і бытавога абслугоўвання». Пад сельскай мясцовасцю маюцца на ўвазе населеныя пункты з сярэдняй колькасцю да дзвюх тысяч, пад сярэднімі і малымі населенымі пунктамі — адпаведна ад дзвюх да дзесяці тысяч чалавек.

 

Таццяна ЛАЗОЎСКАЯ

Выбар рэдакцыі

Грамадства

Асваенне адчужэння. Што паглядзець падчас экскурсіі ў радыяцыйнай зоне?

Асваенне адчужэння. Што паглядзець падчас экскурсіі ў радыяцыйнай зоне?

Ці небяспечныя такія «вылазкі» і колькі яны каштуюць?

Грамадства

Мітрапаліт Павел: Я ўдзячны, што Гасподзь павёў мяне па гэтым шляху

Мітрапаліт Павел: Я ўдзячны, што Гасподзь павёў мяне па гэтым шляху

Уладыка расказаў, чаму з асцярогай упершыню ехаў у Мінск у якасці мітрапаліта.

Калейдаскоп

Вясёлыя гісторыі чытачоў

Вясёлыя гісторыі чытачоў

Добрая жонка і дома рай, а благая — хоць цягу дай

Грамадства

Як сучасныя палешукі рыхтуюцца да свята Уваскрэсення Хрыстовага

Як сучасныя палешукі рыхтуюцца да свята Уваскрэсення Хрыстовага

Аўтар «Звязды» расказвае на прыкладзе сваёй сям'і.