Вы тут

Памёр паэт і заснавальнік агенцтва «БелаПАН» Алесь Ліпай


Заснавальнік і кіраўнік Беларускага прыватнага агенцтва навін (БелаПАН) Алесь Ліпай раптоўна памёр 23 жніўня ў Мінску. Яму было 52 гады.


Першую кнігу паэзіі "Пад снегам" Алесь Ліпай выдаў у 2000 годзе. У 2007 годзе выйшаў зборнік паэзіі "Рэшта", у 2017-м — "Абдымкі".

Пахаванне адбудзецца 26 жніўня, у нядзелю, у Рудзенску (Пухавіцкі раён Мінскай вобласці).


***

Лета валошкавыма вачыма

глядзіць на мяне з жытоў…

 

Вось твой сімвал, мая Айчына!

За цябе я на смерць гатоў…

 

Толькі дай перад тым магчымасць

увабраць нябёсную сінь,

каб праз год васількоў вачыма

паглядзець, як падрос мой сын.

***

Было — не хацелася.

Было — не пісалася.

Было нават, што не было куды йсьці…

Ты лепшае — што са мною здаралася.

Ты — самае сьветлае ў гэтым жыцьці.

І як бы далей яно дрэнна ні склалася,

хай нават мне Божа адключыць сьвятло, —

такое бяды, што было — не пісалася,

затое са мною такое было! —

Каханьне.

Сапраўднае.

Самае лепшае!

Высокае, як маладзік па вясьне!

Ня хопіць метафар, каб вымавіць вершамі.

А хопіць метафар — ня хопіць мяне…

Фота: facebook.com/ales.lipai

Выбар рэдакцыі

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Грамадства

Хто пашкоджвае дрэвы ў вашым садзе?

Хто пашкоджвае дрэвы ў вашым садзе?

Хто, як не вучоныя Інстытута пладаводства, ведае, як атрымаць добры ўраджай і засцерагчы сад ад хвароб.

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў. 

Культура

Што паглядзець у брэсцкім музеі выратаваных каштоўнасцяў

Што паглядзець у брэсцкім музеі выратаваных каштоўнасцяў

Брэсцкі музей выратаваных каштоўнасцяў можна назваць мясцовым Луўрам — калі ўвогуле дарэчы параўноўваць адну культуру з іншай.