Вы тут

Банкі змогуць атрымліваць больш інфармацыі пра крэдытаатрымальніка


У сілу ўступіў закон, які дазволіць банкам атрымліваць больш дакладную інфармацыю пра патэнцыйнага атрымальніка крэдыту.


Пра гэта паведамляе сайт Нацыянальнага банка Рэспублікі Беларусь. Цяпер крыніцы фарміравання крэдытных гісторый павялічацца за кошт лізінгавых арганізацый і Банка развіцця Рэспублікі Беларусь. У склад крэдытных гісторый будуць уключаны звесткі аб дагаворах лізінгу, факторынгу і ўступкі грашовага патрабавання пры ажыццяўленні факторынгавай аперацыі. Факторынг — гэта комплекс паслуг, пры якіх дэбіторскі доўг спажыўца тавару або паслугі ўступаецца (прадаецца) трэцяму боку (банку або спецыялізаванай кампаніі).

Закон пашырае пералік звестак аб крэдытных здзелках у складзе крэдытных гісторый. У прыватнасці, звесткі аб крэдытных дагаворах з аднаўляльнымі крэдытнымі лініямі і дагаворах, якія змяшчаюць умовы авердрафтнага крэдытавання, дапаўняюцца інфармацыяй пра суму тэрміновай запазычанасці, тэрмін аднаўляльнасці крэдыту, дату ўстанаўлення ліміту авердрафту.

Таксама законам устаноўлена сувязь дагавораў забеспячэння (паручыцельства, гарантыя) з выдадзеным пад гэта забеспячэнне крэдытам, што дазволіць ацэньваць фактычную суму астатку асноўнага доўгу.

Акрамя таго, прадугледжана магчымасць атрымання згоды суб'екта крэдытнай гісторыі на даванне крэдытнай справаздачы ў электронным выглядзе без выкарыстання электроннага лічбавага подпісу.

Вольга МЯДЗВЕДЗЕВА

Загаловак у газеце: Дапоўненая крэдытная гісторыя

Выбар рэдакцыі

Спорт

Сёння стартуе адзін з найстарэйшых турніраў Еўропы

Сёння стартуе адзін з найстарэйшых турніраў Еўропы

111-ы чэмпіянат Еўропы па фігурным катанні пачынаецца на «Мінск-Арэне» жаночымі выступленнямі адзіночак. 

Грамадства

Які няякасны тавар можна сустрэць у магазінах?

Які няякасны тавар можна сустрэць у магазінах?

Вось вы, напрыклад, ведаеце, што не так у дзіцячым адзенні турэцкага вытворцы?

Грамадства

У Чавусах створана сістэма па падтрымцы людзей і чалавечых сувязяў

У Чавусах створана сістэма па падтрымцы людзей і чалавечых сувязяў

Клопат аб людзях паважнага ўзросту набывае ў нашым грамадстве асаблівае значэнне.