Вы тут

Праекты беларускага дзіцячага часопіса


На 25-й Пекінскай міжнароднай кніжнай выстаўцы-кірмашы, якая завяршае сваю працу 26 жніўня і ў якой удзельнічае прадстаўнічая беларуская дэлегацыя, прайшло шмат перамоў, звязаных з развіццём стасункаў у галіне дзіцячага кнігавыдання, дзіцячай падлеткавай перыёдыкі.


Расказвае намеснік галоўнага рэдактара часопіса “Вясёлка” Анастасія РАДЗІКЕВІЧ:

- Мы правялі перамовы не толькі з кітайскімі кнігавыдаўцамі, але і з прадстаўнікамі іншых краін. Спадзяюся, што будзе адмысловы плён пасля перамоў і першых накідаў планаў у зносінах з індыйскімі выдаўцамі. Яны пазнаёміліся з беларускімі часопісамі для дзяцей – “Вясёлка”, “Буся”, “Домік”. Дарэчы, у рабоце на стэндзе нам істотна дапамагалі кітайскія валанцёры з Другога Пекінскага дзяржаўнага універсітэта замежных моў на чале з доктарам філалагічных навук спадарыняй Чжан Хуэйцінь. У іх навучальнай установе працуе Цэнтр культуры Беларусі.

- Ці складана кітайскай дзятве вымавіць слова “Вясёлка”..?

- Як аказалася, зусім не складана. І гэта пераканала нас, што мы можам паспрабаваць прапаноўваць свой медыйны прадукт з беларускай франшызай і ў КНР. Чаму б і не?! І, пэўна ж, не трэба баяцца такіх амбіцыйных планаў. Ведаю, што і ў Беларусі ёсць спробы перакладаць дзіцячую літаратуру на кітайскую мову. Размова – пра аповесць-казку, прысвечаную прыгодам беларуксага героя-вандроўніка Шубуршуна. Так што, варта ствараць атрад цікаўных да беларускай дзіцячай літаратуры кітайскіх перакладчыкаў. Увага да ілюстрацыйнага афармлення нашых кніг, да стэнда Беларусі на кніжнай выстаўцы ў Пекіне паказвае, што перспектыў у нас шмат.

Алесь Карлюкевіч

Дадаць каментар

Выбар рэдакцыі

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.

Грамадства

Беларускія навукоўцы прадставілі больш за 300 распрацовак і тэхналогій

Беларускія навукоўцы прадставілі больш за 300 распрацовак і тэхналогій

На юбілейнай выстаўцы Нацыянальнай акадэміі навук.

Эканоміка

Ніна Жалязнова: Мы, беларусы, па сваёй ментальнасці — людзі зямлі

Ніна Жалязнова: Мы, беларусы, па сваёй ментальнасці — людзі зямлі

«Звязда» ўжо неаднойчы пісала пра гэту незвычайную жанчыну.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ўрокі іншай мовы і шчасце, калі ў доме гаспадар.