Вы тут

Сотні гарадоў-лясоў з'явяцца ў Кітаі


300 гарадоў-лясоў дзяржаўнага значэння будуць створаны ў Кітаі да 2025 года. Была прадстаўлена агульнанацыянальная праграма развіцця "форэст-сіці" ў краіне на 2018-2025 гг., перадае "Жэньмінь жыбаа" анлайн"


Праграму падрыхтавала Дзяржаўнае ўпраўленне лясной і стэпавай гаспадаркі КНР. Развіццё гарадоў-лясоў, згодна з ёй, будзе ажыццяўляцца з улікам лесарэсурснага патэнцыялу, патрэбаў развіцця розных раёнаў і іншых фактараў. Стварэнне гарадоў-лясоў чакаецца, у прыватнасці, уздоўж "Эканамічнага пояса Шаўковага шляху", эканамічнага пояса ўздоўж ракі Янцзы і прыморскага эканамічнага пояса. 

Ужо да 2020 года, як прадугледжваецца ў праграме, у Кітаі будуць пабудаваны шэсць агламерацый гарадоў-лясоў - у рэгіёне Пекін-Цяньцзінь-Хэбэй, у раёнах дэльт рэк Янцзы і Чжуцзян, у рэгіёне Чанша-Чжучжоу-Сянтань (правінцыя Хунань, Цэнтральны Кітай) , у раёне Цэнтральнай раўніны і ў паўночна-заходнім рэгіёне Гуаньчжун - Тяньші. Іх будаўніцтва патрабуе вырашэння такіх задач, як пашырэнне зялёнай прасторы, удасканаленне экалагічнай сеткі, павышэнне якасці лясоў, распаўсюджванне экалагічнай культуры і паляпшэнне экалагічных паслуг. Міжнароднае супрацоўніцтва і абмены будуць адным з напрамкаў работы па іх вырашэнні, адзначаецца ў праграме.

Выбар рэдакцыі

Спорт

Якаў Зянько: На лёдзе даю  волю эмоцыям

Якаў Зянько: На лёдзе даю волю эмоцыям

Ён — адзін з нямногіх прадстаўнікоў беларускага фігурнага катання на міжнароднай арэне. 

Грамадства

Чаму карты на беларускай мове — гэта стапрацэнтны эксклюзіў?

Чаму карты на беларускай мове — гэта стапрацэнтны эксклюзіў?

Першай грунтоўнай работай айчынных картографаў па-беларуску стаў Нацыянальны атлас, выпушчаны ў 2002 годзе.

Культура

Што агульнага паміж творчасцю і «табурэткай»?

Што агульнага паміж творчасцю і «табурэткай»?

Дзе можна асвоіць літаратурнае майстэрства? Як становяцца пісьменнікамі?

Грамадства

Асноўная задача — захаваць біялагічную сям'ю

Асноўная задача — захаваць біялагічную сям'ю

«Звязда» звярнулася па каментарыі аб рэалізацыі Дэкрэта Прэзідэнта № 18 да старшынь профільных камісій абедзвюх палат Нацыянальнага сходу Беларусі.