Вы тут

Прайшоў фестываль «Аўгустоўскі канал у культуры трох народаў»


На Аўгустоўскім канале 18-ы раз свае нацыянальныя традыцыі паказалі беларусы, палякі і літоўцы


У канцы жніўня фестываль «Аўгустоўскі канал у культуры трох народаў» сабраў на шлюзе Дамброўка тысячы гасцей. Творчыя калектывы Беларусі, Літвы і Польшчы прайшлі тэатралізаваным шэсцем пад агульным сцягам Аўгустоўскага канала да галоўнай сцэны і прадэманстравалі свае самабытныя таленты.

Беларускі фестываль вядомы і за мяжой. Сюды з задавальненнем прыязджаюць суседзі з Літвы і Польшчы. А са з'яўленнем бязвізавага рэжыму іх колькасць значна ўзрасла. Як зазначыў намеснік старшыні Гродзенскага аблвыканкама Віктар ЛІСКОВІЧ, за гэты час у зоне турыстычна-рэкрэацыйнага парку «Аўгустоўскі канал» пабывала больш за 50 тысяч турыстаў. Многія з іх прынялі ўдзел у розных святах і фестывалях. Напрыклад, на гэты раз тут сустракалі дзевяць замежных дэлегацый.

Частымі гасцямі на Аўгустоўскім фэсце сталі жыхары пятнаццаці польскіх паветаў і гмін, якія з'яўляюцца партнёрамі Гродзенскага раёна. Прыязджаюць сюды прадстаўнікі гарадоў і раёнаў Літвы. Вынікам супрацоўніцтва з краінамі-суседкамі сталі сумесныя трансгранічныя праекты. Старшыня Гродзенскага райвыканкама Ян ВАСІЛЕЎСКІ паведаміў, што зараз раён выйграў яшчэ чатыры інфраструктурныя праекты па добраўпарадкаванні дарог. Дарэчы, усе яны праходзяць абапал Аўгустоўскага канала.

Маргарыта УШКЕВІЧ

Выбар рэдакцыі

Грамадства

Як не стаць ахвярай кіберзлачынцаў

Як не стаць ахвярай кіберзлачынцаў

Расказвае намеснік начальніка ўпраўлення па раскрыцці злачынстваў у сферы высокіх тэхналогій Міністэрства ўнутраных спраў Беларусі Уладзімір Зайцаў.

Грамадства

«Догляд займае не больш за хвіліну». Як правяраюць наведвальнікаў перад уваходам у фан-зону?

«Догляд займае не больш за хвіліну». Як правяраюць наведвальнікаў перад уваходам у фан-зону?

Пералік рэчаў, забароненых да праносу, змешчаны на ўваходзе ў кантрольна-прапускны пункт.

Эканоміка

Што мы купляем праз інтэрнэт, і чаму айчынны гандаль у сеціве прайграе

Што мы купляем праз інтэрнэт, і чаму айчынны гандаль у сеціве прайграе

Электронны гандаль у нашай краіне працягвае расці.