Вы тут

Траўмаў на вытворчасці стала больш


Асабліва ў Брэсцкай вобласці.

Нягледзячы на меры, якія прымаюцца, стан вытворчага траўматызму з цяжкімі наступствамі пагоршыўся. Так, па аператыўных даных Дэпартамента дзяржаўнай інспекцыі працы, за студзень — чэрвень гэтага года ў выніку няшчасных выпадкаў на вытворчасці загінула 70 работнікаў, што на 12 чалавек больш, чым за аналагічны перыяд летась. Яшчэ 343 атрымалі цяжкія траўмы (у першым паўгоддзі 2017-га — 276).


Асабліва паказчык вытворчага траўматызму вырас у арганізацыях Брэсцкай вобласці: калі ў студзені — чэрвені мінулага года там загінула сем работнікаў, то за гэты ж перыяд сёлета — 18.

Высокі ўзровень няшчасных выпадкаў на прыватных прадпрыемствах звязаны з нездавальняючай работай па ахове працы і ў многім безадказным стаўленнем кіраўніцтва да стварэння бяспечных умоў. У гэтых арганізацыях віна наймальніка была ў 59 працэнтах выпадкаў з цяжкімі наступствамі, у той час калі ў цэлым па краіне гэты паказчык складае 48 працэнтаў.

Але найбольш загінулых і траўмаваных на вытворчасці аказалася ў арганізацыях камунальнай формы ўласнасці. Палова пацярпелых з цяжкімі наступствамі — работнікі сельскагаспадарчых прадпрыемстваў. Таксама значна вырасла колькасць няшчасных выпадкаў у будаўнічай галіне. Высокай застаецца ўдзельная вага траўмаў пры ДТЗ.

Сярэдні ўзрост загінулых на вытворчасці ў першым паўгоддзі склаў 46 гадоў, пацярпелых з цяжкімі траўмамі — 44 гады. Найбольшую ўдзельную вагу (амаль траціну) сярод загінулых займаюць работнікі ва ўзросце ад 41 да 50 гадоў, а сярод траўмаваных — ад 51 да 60 гадоў.

Маніторынг паказаў, што асноўным траўміруючым фактарам было ўздзеянне прадметаў і дэталяў, якія рухаюцца, разлятаюцца і круцяцца (праз гэта адбыўся кожны чацвёрты няшчасны выпадак са смяротным зыходам). Людзі часцей сталі гінуць на рабочым месцы ў выніку падзення ці абвальвання канструкцый будынкаў, ДТЗ, падзення з вышыні, пажару, уздзеяння шкодных рэчываў і ўтаплення.

Наталля ЛУБНЕЎСКАЯ

Выбар рэдакцыі

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.

Грамадства

Як Брэст рыхтуецца да святкавання свайго 1000-годдзя

Як Брэст рыхтуецца да святкавання свайго 1000-годдзя

Афіцыйныя святкаванні і асноўныя мерапрыемствы гарадскога Міленіума пройдуць 6—8 верасня.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ляльку з секс-шопа, галубоў на ігрушы і дзяўчынку, якая схавала пашпарты.