Вы тут

Правярайце і купляйце


Перспектывы пашырэння паставак беларускай прадукцыі харчавання на рынак Еўрапейскага саюза абмеркавалі на сустрэчы віцэ-прэм'ер Міхаіл Русы і еўракамісар па пытаннях аховы здароўя і бяспекі харчовых прадуктаў Віцяніс Андрукайціс. Дэлегацыя Еўрасаюза ў гэтыя дні наведвае Беларусь.


Беларусь зацікаўлена хутчэй сертыфікаваць свае птушкафабрыкі, каб атрымаць магчымасць экспарту мяса ў Еўрапейскі саюз, і скрупулёзна вырашае пытанні, пастаўленыя партнёрамі, запэўніў намеснік прэм'ер-міністра. Еўрапейскія спецыялісты ўжо некалькі разоў аглядалі беларускія прадпрыемствы, якія маюць намер ажыццяўляць пастаўкі на рынак ЕС. Павысіць тавараабарот магчыма за кошт пашырэння спіса прадукцыі, дазволенай на ўвоз у Еўрапейскі саюз.

«Мы адкрытыя і гатовыя вырашаць многія пытанні, якія ставяцца Еўрасаюзам, у тым ліку па афрыканскай чуме свіней і іншых напрамках», — цытуе словы Міхаіла Русага БелТА.

Віцяніс Андрукайціс падкрэсліў неабходнасць абмену інфармацыяй па назіранні за станам захворванняў жывёл і супрацоўніцтва па дыягностыцы такіх захворванняў.

Актуальныя тэмы ўзаемадзеяння з Еўрапейскім саюзам абмяркоўвалі і ў Міністэрстве замежных спраў, дзе з еўракамісарам сустрэўся намеснік міністра Алег Краўчанка. З беларускага боку ў перагаворах удзельнічалі намеснік міністра сельскай гаспадаркі і харчавання — дырэктар Дэпартамента ветэрынарнага і харчовага нагляду Іван Смільгінь і намеснік міністра аховы здароўя — галоўны дзяржаўны санітарны ўрач Наталля Жукава.

Праграма візіту камісара ўключае наведванне рэгіёнаў. Віцяніс Андрукайціс пазнаёміцца з ажыццяўленнем праекта ў Навагрудку, які рэалізуецца на сродкі ЕС, а таксама наведае Літоўскі цэнтр адукацыі, культуры і інфармацыі ў Рымдзюнах.

Марыя Дадалка

Выбар рэдакцыі

Рэгіёны

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Як мы бярозавік куплялі на гандлёвай пляцоўцы лясгаса і ў лясніцтве

Культура

Анатоль Ярмоленка: Нас натхняе беларуская паэтычная класіка

Анатоль Ярмоленка: Нас натхняе беларуская паэтычная класіка

Творчая вечарына народнага артыста Беларусі прайшла ў адной з мінскіх гімназій.