Вы тут

Дайджэст навін з рэгіёнаў Беларусі


Пасля жніва работа не спыніцца

Сёлета ААТ «Мацеевічы» святкуе 70-годдзе. І гаспадарцы, безумоўна, ёсць чым ганарыцца. Таварыства займае трэцяе месца ў раёне па ўраджайнасці збожжавых і зернебабовых культур. Пра сёлетнія дасягненні і планы на будучыню карэспандэнту газеты Жабінкаўскага раёна «Сельская праўда» расказаў дырэктар ААТ «Мацеевічы» Мікалай КАВАЛЬЧЫК.

— У верасні, пры запуску цукровага завода, пачнём уборку буракоў, — кажа кіраўнік. — Імі ў нас засеяна 300 гектараў. Плануем сабраць каля 15 тысяч тон. У нас ёсць уласны буракаўборачны камбайн, якому давядзецца папрацаваць адразу ў дзвюх гаспадарках: сёлета мы заключым дагавор аб аказанні дапамогі ААТ «Жабінкаўскі». Работа будзе напружаная. У галіне жывёлагадоўлі мы таксама не адстаём па паказчыках. Сёння ў ААТ «Мацеевічы» налічваецца 3410 галоў буйной рагатай жывёлы, пагалоўе дойнага статка складае тысячу галоў. Для іх утрымання ў гаспадарцы дзейнічаюць восем жывёлагадоўчых фермаў.


Час прыбрацца

Лельчыцкі раённы Савет дэпутатаў выступіў з ініцыятывай аб арганізацыі штотыднёвых суботнікаў на тэрыторыі сельскіх Саветаў. Першы па чарзе быў Бараўскі сельсавет, піша карэспандэнт «Светлага жыцця».

Фота: lelchіtsy.by

З самага ранку мабільны тэлефон старшыні сельвыканкама Людмілы Ашомкі, здавалася, не змаўкаў ні на хвіліну. Яна давала распараджэнні згодна з распрацаваным планам і паралельна дамаўлялася з дастаўкай то мотакасы, то бензапілы, то вяроўкі для выдалення дрэў, якія ўсохлі.

У маланаселеным пункце Тартак фронт работ значны: неабхода было высекчы дробную хмызняковую расліннасць уздоўж цэнтральнай дарогі і былога будынка школы, прыбраць могілкі, несанкцыянаваную звалку, прылеглую тэрыторыю да таварнай фермы і гэтак далей.

У суботніку прыняў актыўны ўдзел і старшыня раённага Савета дэпутатаў Сяргей Касінскі.


Вяртанне з прытулку

Паўгода Назар, Васіліса і Сафія чакалі ў сацыяльным прытулку сваю маці. Яна змагла пераадолець свае шкодныя звычкі і забраць дзяцей дадому, піша карэспандэнт «Раённага весніка» Чэрвеньскага раёна.

Сёлета 8 лютага раённая камісія па справах непаўналетніх прыняла рашэнне аб адабранні трох непаўналетніх дзяцей у жыхаркі вёскі Горкаўская Слабада. Як растлумачыла намеснік старшыні камісіі па справах непаўналетніх Наталля Сцяжко, жанчына злоўжывала алкаголем, не займалася выхаваннем дзяцей і стварыла для іх нязносныя ўмовы жыцця. Маці накіравалі на лячэнне. Яна яго прайшла, і зараз мае намер дастойна выхоўваць сваіх дзяцей, працуе, не ўжывае спіртнога. Час на выпраўленне становішча прайшоў. На пачатку жніўня камісія прыняла рашэнне вярнуць дзяцей маці. Але некаторы час сям'я будзе ў полі зроку камісіі.

Надзея АНІСОВІЧ

Выбар рэдакцыі

Культура

Як у Чавускім раёне праводзіліся святыя вечары

Як у Чавускім раёне праводзіліся святыя вечары

Традыцыя варажыць на нарачонага прыйшла з язычніцкіх часоў.

Грамадства

Мастацкі кіраўнік «Песняроў» пра радасці і складанасці сямейнага жыцця

Мастацкі кіраўнік «Песняроў» пра радасці і складанасці сямейнага жыцця

«Я лічу, што мужчына можа заводзіць сям'ю, калі ў яго ўжо ёсць сваё жыллё або выразная перспектыва, калі яно з'явіцца».

Грамадства

Небяспечныя гульні. На што трэба звярнуць увагу бацькам падлеткаў

Небяспечныя гульні. На што трэба звярнуць увагу бацькам падлеткаў

Днямі суд Першамайскага раёна Мінска абвясціў прысуд удзельнікам вечарынкі, падчас якой 19-гадовая дзяўчына загінула ад ужывання псіхатропу

Эканоміка

Падрыхтаваны праект новага ўказа аб аднаўляльных крыніцах энергіі

Падрыхтаваны праект новага ўказа аб аднаўляльных крыніцах энергіі

Так званая «зялёная» энергетыка ў апошнія гады развіваецца ў нашай краіне хуткімі тэмпамі.