Вы тут

Што цікавага паглядзець па тэлебачанні на наступным тыдні


«Інферна»

«Беларусь 2», 8 і 9 верасня

...Спецыяліст па рэлігійных сімвалах прафесар Роберт Лэнгдан прытомнее ў адной з італьянскіх бальніц, цалкам страціўшы памяць. Мясцовы ўрач спрабуе дапамагчы вучонаму ўспомніць, што з ім адбылося, каб з яго дапамогай расшыфраваць схаваныя ў першай частцы «Боскай камедыі» Дантэ падказкі і спыніць загадкавых злачынцаў, якія збіраюцца распаўсюдзіць смяротна небяспечны вірус. Словам, прыхільнікаў творчасці Дэна Браўна трылер зацягне з першых кадраў.


«Неабдуманы»

«Кінакамедыя», 7 і 9 верасня

14-гадоваму вундэркінду Ілаю, які экстэрнам скончыў школу, з-за ўзросту адмовілі ў прыёме ў Гарвард, і ён вымушаны паступіць у трэцясортны каледж Уітмен. Тут хлопец сустракае другую крайнасць — першакурсніка Леа, якому ўжо... 41 год. Да таго ж такіх розных студэнтаў пасялілі разам у інтэрнаце, і цяпер ім проста неабходна стаць сябрамі, каб разам пастаяць за сябе.


«Не гульня»

СТБ, 9 верасня

Герой мастацкай стужкі «Беларусьфільма», прысвечанай 100-годдзю Узброеных Сіл краіны, — праграміст Аляксей, які стварае камп'ютарныя гульні, але адчувае «несапраўднасць» падзей у іх. Таму, уявіце сабе, вырашае пайсці ў армію, каб на сабе выпрабаваць хлеб танкіста і наогул вайсковыя рэаліі. Як водзіцца, вайсковая служба змяняе маладога чалавека і вонкава, і ўнутрана, і ў выніку ён знаходзіць новых сяброў, новыя мары і наогул перажывае «перазагрузку» ўсяго свайго жыцця.


«Вяртанне высокага бландзіна»

«МІР», 8 верасня

Сціплы скрыпач Франсуа Перэн, якому воляй лёсу выпала сыграць у шпіёнскія гульні, вымушаны зноў вярнуцца ў гэта амплуа. Новы міністр унутраных спраў, які раней быў міністрам сельскай гаспадаркі Францыі, знайшоў дасье на высокага бландзіна і загадаў прадставіць яму «суперагента». Контрразведчыкі сцвярджаюць, што агент загінуў пры выкананні спецаперацыі, аднак міністр настойвае, каб цела прывезлі на радзіму, і тады найміты выпраўляюцца ў Рыа-дэ-Жанэйра, дзе Перэн мірна жыве са сваёй каханай Крысцін, каб забіць яго...


«Трое ў лодцы, не лічачы сабакі»

«8 канал», 9 верасня

Трое лонданскіх сяброў, Джордж, Гарыс і Джэй, вырашаюць вырвацца з душнага і бруднага горада на ўлонне прыроды — дакладней, зладзіць актыўны адпачынак і сплавіцца па Тэмзе на лодцы ў «чыста мужчынскай кампаніі», у якую ўваходзяць яны самі і фокстэр'ер Манмарэнсі. Ці трэба казаць, што планы аказаліся далёкімі ад рэчаіснасці і чаканы спакойны водпуск ператварыўся ў чараду прыгод і кур'ёзаў, шчодра прыпраўленых самымі рознымі эмоцыямі, гумарам і рамантыкай?

Загаловак у газеце: Мужчынскае кіно

Выбар рэдакцыі

Культура

Як у Чавускім раёне праводзіліся святыя вечары

Як у Чавускім раёне праводзіліся святыя вечары

Традыцыя варажыць на нарачонага прыйшла з язычніцкіх часоў.

Грамадства

Мастацкі кіраўнік «Песняроў» пра радасці і складанасці сямейнага жыцця

Мастацкі кіраўнік «Песняроў» пра радасці і складанасці сямейнага жыцця

«Я лічу, што мужчына можа заводзіць сям'ю, калі ў яго ўжо ёсць сваё жыллё або выразная перспектыва, калі яно з'явіцца».

Грамадства

Небяспечныя гульні. На што трэба звярнуць увагу бацькам падлеткаў

Небяспечныя гульні. На што трэба звярнуць увагу бацькам падлеткаў

Днямі суд Першамайскага раёна Мінска абвясціў прысуд удзельнікам вечарынкі, падчас якой 19-гадовая дзяўчына загінула ад ужывання псіхатропу

Эканоміка

Падрыхтаваны праект новага ўказа аб аднаўляльных крыніцах энергіі

Падрыхтаваны праект новага ўказа аб аднаўляльных крыніцах энергіі

Так званая «зялёная» энергетыка ў апошнія гады развіваецца ў нашай краіне хуткімі тэмпамі.