Вы тут

Адбыўся рытуал прынясення прысягі курсантамі Акадэміі МУС


На плошчы Дзяржаўнага сцяга Рэспублікі Беларусь адбыўся ўрачысты рытуал прынясення прысягі курсантамі першых курсаў Акадэміі МУС.


Перад сваімі бацькамі, таварышамі і старшымі афіцэрамі клятву вернасці сваёй Радзіме і беларускаму народу прамовілі будучыя супрацоўнікі розных падраздзяленняў Міністэрства ўнутраных спраў, Следчага камітэта, Дзяржаўнага камітэта судовых экспертыз, Дэпартамента фінансавых расследаванняў Камітэта дзяржаўнага кантролю, Дзяржаўнага пагранічнага камітэта.

Усяго на першы курс Акадэміі МУС залічана 453 курсанты. На шляху да лейтэнанцкіх пагонаў і дыплома аб вышэйшай юрыдычнай адукацыі хлопцы і дзяўчаты чатыры гады будуць спасцігаць тэарэтычныя і практычныя веды, а таксама несці службу ў акадэміі. Бо яны з'яўляюцца супрацоўнікамі органаў унутраных спраў ужо з 6 жніўня — першага дня вучэбнага збору першакурснікаў.

У сваёй віншавальнай прамове міністр унутраных спраў Ігар Шуневіч звярнуўся да курсантаў з такімі словамі:

— Служба ў праваахоўных органах патрабуе ад вас высокай прафесійнай падрыхтоўкі, стойкасці, вытрымкі і поўнай самааддачы. Народ Беларусі з вялікай павагай і даверам ставіцца да чалавека ў міліцэйскай форме. Вучоба ў Акадэміі МУС павінна стаць для вас тым адметным рубяжом, які стварае асобу прафесіянала, дазваляе дастойна несці эстафету старэйшага пакалення, берагчы і прымнажаць яго слаўныя традыцыі.

Пасля афіцыйнай часткі родныя, блізкія і сябры павіншавалі першакурснікаў з памятнай падзеяй. Было весела, шумна і вельмі кранальна. Паўсюль — абдымкі, усмешкі, а дзе і слёзы. Вядома, маці заўсёды перажываюць за сваіх дзяцей.

Па завяршэнні свята навабранцы атрымалі звальненне на адны суткі, каб пабыць з роднымі і адзначыць падзею — адну з самых галоўных у іх жыцці. А раніцай 1 верасня акадэмія збярэ курсантаў на ўрачыстае пастраенне ў гонар Дня ведаў і першых заняткаў новага навучальнага года.

Сяргей КУЛАКОЎ

Фота Ганны ЗАНКАВІЧ

Загаловак у газеце: Эстафета высокага звання

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.