Вы тут

Раім схадзіць


Фестываль навукі, Мінскі Паўмарафон, Амерыканскія дажынкі і  Дзень танкіста — вось такая афіша «Звязды» з 3 па 9 верасня. 


Фестываль навукі

Дзе: Цэнтральны батанічны сад НАН Беларусі

Калі: 8 верасня ў 12.00

Колькі каштуе: 7 рублёў; для навучэнцаў, студэнтаў, пенсіянераў 4 рублі; для дашкольнікаў 2 рублі

У рамках мерапрыемства: шмат цікавых лекцый, майстар-класы на любы густ, робаты, тры музея навукі, зона пра космас з сапраўднымі касманаўтамі, шоў з эксперыментамі на сцэне, зона археалогіі і спецыяльная зона для дзяцей. Фес­ты­валь на­ву­кі раз­мес­ціц­ца на 11 пля­цоў­ках, раз­лі­ча­ных на на­вед­валь­ні­каў з са­мы­мі роз­ны­мі ін­та­рэ­са­мі.

"Страх як асноў­ны аб­ме­жа­валь­нік раз­віц­ця", "Як шум кі­руе на­мі і што з гэ­тым ра­біць?", "Як не па­мы­ліц­ца ў эпо­ху пост­праў­ды?", "Ней­рон­ны парт­рэт ча­ла­ве­ча­га ро­зу­му", "Ча­му кі­ты ака­за­лі­ся пар­на­ка­пыт­ны­мі?" — пра ўсё гэ­та мож­на бу­дзе да­ве­дац­ца ў лек­цый­най зо­не фес­ты­ва­лю. Тут бу­дуць пра­хо­дзіць як бло­кі лек­цый (ча­ты­ры мі­ні-лек­цыі па 15 хві­лін), так і вы­ступ­лен­ні пра­цяг­лас­цю да 45 хві­лін. Та­му ся­род лек­та­раў бу­дуць не толь­кі сур'­ёз­ныя ву­чо­ныя, але і па­пу­ля­ры­за­та­ры на­ву­кі, на­прык­лад са­мы вя­до­мы ў ін­тэр­нэ­це на сён­няш­ні дзень па­пу­ля­ры­за­тар кос­ма­су Зя­лё­ны кот.

У Касмічнай зоне, акрамя касмічных экспанатаў, выступленняў навукоўцаў-астраномаў і блогераў, адбудзецца сустрэча з касманаўтамі. Касманаўты раскажуць пра знаходжанне на МКС, свае ўражанні аб беспаветранай прасторы і адкажуць на пытанні гасцей на прэс-канферэнцыі. У Робазоне прыме ўдзел 4 школы робататэхнікі з майстар-класамi і дэманстрацыямі, арганізатары VI Мінскага адкрытага робатурніру правядуць спаборніцтвы па міні-сумо і гонках па лініі.


Мінскі Паўмарафон

Фота: sputnik.by

Дзе: старт — пачатак праспекта Пераможцаў

Калі: 9 верасня ў 9.00

Колькі каштуе: глядзець інфармацыю пра рэгістрацыю

Мінскі Паўмарафон упершыню праводзіцца ў такім маштабным фармаце. Тысячы ўдзельнікаў з усёй Беларусі, сотні гасцей сталіцы, цэнтральныя вуліцы... Такім Мінск будзе толькі раз у годзе!

Мінскі Паўмарафон падзея маладая. Першае спаборніцтва прайшло ў 2013 годзе ў свята горада. Гэты вопыт аказаўся ўдалым, і было вырашана зрабіць гэтае мерапрыемства традыцыйным: у Дзень горада Мінска, у першыя выходныя верасня, горад адзначае яшчэ і свята спорту і здароўя, збіраючы на ​​сваіх цэнтральных праспектах і вуліцах прафесіяналаў і аматараў бега.

У 2015 годзе ўпершыню Мінскі Паўмарафон сабраў больш за 16 000 удзельнікаў; у 2016 годзе больш за 20 000 удзельнікаў.

Пачаць забег на праспекце Пераможцаў, завярнуць на праспект Незалежнасці, зрабіць круг ля абеліска Перамогі, прабегчы міма галоўных славутасцяў... Мінскі паўмарафон гэта яшчэ і ўнікальная магчымасць убачыць Мінск з незвычайнага боку: калі яшчэ выдасца магчымасць зрабіць размінку прама пасярод цэнтральнага праспекта?


Амерыканскія дажынкі 

Дзе: кнігарня Логвінаў, пр-т Незалежнасці, 37А

Калі: 6 верасня ў 19.00

Колькі каштуе: бясплатна

Рэдактарка кніжнай серыі "Амерыканка" Марыя Мартысевіч і перакладчык Ігар Кулікоў запрашаюць на прэзентацыю рамана Чарльза Букоўскі “Чытво” па-беларуску. З удзелам Уладзіміра Арлова. 

Кніжная серыя "Амерыканка" аб'яднала кнігі культавых пісьменнікаў Паўночнай Амерыкі пра свабоду і чалавечую годнасць. Раней выйшлі друкам Кен Кізі “Палёт над гняздом зязюлі” Кена Кізі, “Байцоўскі клуб” Чака Паланюка і “Пенелапіяда” Маргрэт Этвуд.


Banksy & 3,14 Art

Дзе: Галерэя ДК, вул. Герцэна, 2А

Калі: з 31 жніўня па 14 кастрычніка

Колькі каштуе: 10 рублёў; льготны  7 рублёў

Загадкавая постаць англійскга стрыт-арт мастака замаячыць у цэнтры Мінска. Галерэя ДК адкрывае выставачны сезон нашумелага праекта па матывах «Banksy & 3,14 Art». Адны сцвярджаюць, што працы Бэнксі з'яўляюцца звычайным вандалізмам, іншыя гатовыя выкладваць кругленькія сумы за права валодання кавалкам тынкоўкі з аўтографам. Ён даўно стаў легендай, хоць яго сапраўднае імя да гэтага часу невядома. Яго сацыяльна-палітычныя выпады на тэму войнаў, бежанцаў, экалогіі, крывадушнасці палітыкаў упрыгожваюць сцены многіх гарадоў свету. Графіці ананіма па папулярнасці абыходзяць шэдэўры класікаў усяго свету.


Хрусталь (16+)

Дзе: кінатэатры Мінска

Калі: да 12 верасня

Колькі каштуе: удакладняць у касах

Драматычная камедыя «Хрусталь», якая ўжо стала хітом міжнародных кінафестываляў і атрымала станоўчыя водгукі замежнай прэсы, выходзіць у шырокі мінскі пракат. Дзеянне фільма адбываецца ў 90-я гады ў Беларусі. З-за памылкі друку ў падробленай анкеце на амерыканскую візу маладая дзяўчына-дыджэй аказваецца ў завадскім мястэчку Хрустальны. Там яна збіраецца любымі сродкамі дамагчыся выканання сваёй «амерыканскай мары».

Сусветная прэм'ера фільма адбылася ў чэрвені гэтага года на прэстыжным Міжнародным кінафестывалі ў Карлавых Варах, дзе карціна адкрыла конкурсную секцыю «Да Усходу ад Захаду». У ліпені «Хрусталь» атрымаў Гран-пры на міжнародным кінафестывалі ў Адэсе. Акрамя таго, фільм запрошаны на больш чым 20 кінафестываляў па ўсім свеце. Станоўчыя водгукі аб карціне напісалі выдання Hollywood Reporter, Screen International, Variety, «Коммерсантъ» і многія іншыя.

Фільм можна будзе паглядзець у кінатэатрах «Аўрора», «Піянер», «Беларусь», «Мір», «Ракета», «Кіеў», Falcon Club Буцік Кіно, Silver Screen і «АртКінатэатр».


Дзень танкіста

Дзе: парк Перамогі

Калі: 9 верасня ў 14:00

Колькі каштуе: бясплатна

Вялікая гульнявая зона, канцэрт любімых выканаўцаў, надзвычайны феерверк, вялікі фуд-корт, арт-аб'екты і фотазоны, дзіцячая пляцоўка, сюрпрызы і велізарная колькасць забаў — коратка пра то, што чакае гасцей на дне танкіста.

Гульнявая зона ў гэтым годзе пашырана: тут будзе 200 камп'ютараў! Хэдлайнеры пацешаць усіх гасцей свята: будзе магчымасць адчуць як сучасную музыку, так і зноўку адкрыць для сябе любімых выканаўцаў (Iowa, Бумбокс, Танцы Мінус).

Арганізатары таксама абяцаюць забавы на любы густ: ад паласы перашкод для радыёкіраваных танкаў да танцавальных майстар-класаў. Забаў і конкурсаў для ўсёй сям'і стане больш, усіх чакаюць розыгрышы прызоў і, вядома ж, бонус-коды.

Выбар рэдакцыі

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».

Грамадства

Як працуюць сапёры?

Як працуюць сапёры?

Больш за ўсё «сюрпрызаў» з часоў Вялікай Айчыннай вайны было знойдзена ў Докшыцкім, Талачынскім, Асіповіцкім і Лагойскім раёнах.