Вы тут

Вызначаны пераможцы Нацыянальнай літаратурнай прэміі


У Іванаве сёння адбылося ўшанаванне пераможцаў рэспубліканскага конкурсу "Нацыянальная літаратурная прэмія" за творы, напісаныя ў 2017 годзе.


У намінацыі "Лепшы твор (зборнік твораў) паэзіі" пераможцам названы Казімір Камейша за зборнік вершаў "Высокі бераг". У намінацыі "Лепшы твор прозы" адзначаны Васіль Шырко за кнігу "Я нязваны госць". Журы высока ацаніла зборнік п'ес "Святло вышыні" Георгія Марчука, прысудзіўшы яму перамогу ў намінацыі "Лепшы твор драматургіі". Аўтарам лепшага твору публіцыстыкі стала Зінаіда Дудзюк за кнігу "Пара высокага сонца". У намінацыі "Лепшы твор літаратурнай крытыкі і літаратуразнаўства" перамогу святкаваў Іван Штэйнер, які напісаў кнігу "Смехъ зъ болѣстию смешанъ будзець: смехавыя традыции Рэнесансу ў сатырычнай літаратуры ХХ стагоддзя". Таксама ўзнагарода ўручана Вользе Мікольскай ў намінацыі "Лепшы твор для дзяцей і юнацтва" за кнігу "Выкраданне шэдэўра, ці Новыя прыгоды агентаў "Калбафіржык". Перамога ў намінацыі "Лепшы дэбют" прысуджана Юліі Алейченко за кнігу "Пад чароўным шкельцам".

Усе пераможцы атрымалі ганаровыя дыпломы і сімвалы Нацыянальнай літаратурнай прэміі. Ўзнагароды лаўрэатам уручалі міністр інфармацыі Аляксандр Карлюкевіч і сустаршыня журы прафесар Іван Саверчанка. "Літаратура - ўсёабдымная і ўсёпранікальная. Без добрага рамана не атрымаецца цікавы фільм, без п'есы - пастаноўка спектакля, без цудоўных вершаў немагчымыя выдатныя песні. Пісьменнікі адчуваюць адказнасць перад краінай і чытачамі і шчыра працуюць для іх", - падкрэсліў Іван Саверчанка.

На разгляд экспертнай камісіі конкурсу ў гэтым годзе было пададзена 59 кніг. Журы выбірала з 51 выдання.

БЕЛТА

Выбар рэдакцыі

Спорт

Сёння стартуе адзін з найстарэйшых турніраў Еўропы

Сёння стартуе адзін з найстарэйшых турніраў Еўропы

111-ы чэмпіянат Еўропы па фігурным катанні пачынаецца на «Мінск-Арэне» жаночымі выступленнямі адзіночак. 

Грамадства

Які няякасны тавар можна сустрэць у магазінах?

Які няякасны тавар можна сустрэць у магазінах?

Вось вы, напрыклад, ведаеце, што не так у дзіцячым адзенні турэцкага вытворцы?

Грамадства

У Чавусах створана сістэма па падтрымцы людзей і чалавечых сувязяў

У Чавусах створана сістэма па падтрымцы людзей і чалавечых сувязяў

Клопат аб людзях паважнага ўзросту набывае ў нашым грамадстве асаблівае значэнне.