Паводка на 32 млн долараў

Урад Кітая выдзеліў сродкі на ліквідацыю наступстваў стыхіі.

Цэнтральны ўрад Кітая выдзеліў 220 млн юаняў (каля 32 млн долараў) на барацьбу з паводкамі ў правінцыях Шаньдун і Аньхой.  Пра гэта паведаміла Міністэрства па кіраванні надзвычайнымі сітуацыямі КНР, перадае "Жэньмінь жыбаа" анлайн".

Міністэрства фінансаў і Міністэрства па кіраванні надзвычайнымі сітуацыямі выдзелілі правінцыям Шаньдун і Аньхой 150 млн і 70 млн юаняў адпаведна. Сродкі будуць накіраваныя на перамяшчэнне пацярпелых і забеспячэнне іх асноўных жыццёвых патрэбаў, аднаўленне пашкоджаных дамоў і выплату кампенсацый сем'ям загінулых, паведамілі ў міністэрстве.

 Ведамствы па ліквідацыі наступстваў прыродных бедстваў запусцілі рэжым надзвычайнага рэагавання чацвёртага ўзроўню ў вышэйназваных двух правінцыях, а таксама накіравалі ў пацярпелыя раёны рабочыя групы і гуманітарную дапамогу, уключаючы 3000 палатак, 5000 складных ложкаў і 80 тысяч прадметаў адзення і коўдраў.

 Як вядома, у правінцыі Аньхой у выніку паводак пацярпела каля за 2,6 млн чалавек, 12 чалавек загінулі, адзін прапаў без вестак.  У правінцыі Шаньдун пацярпела каля 3,8 млн чалавек, шасцёра загінулі, 15 лічацца прапаўшымі без вестак.