Вы тут

«Тут коцяць хвалі Пціч з Беразіною...»


Асіповіцкі паэт і журналіст Анатоль Тамашэўскі прысвяціў роднаму краю шмат вершаваных радкоў. Гэтыя мясціны сапраўды настройваюць на лірычны лад. Яны багатыя на цікавыя гістарычныя месцы, унікальную і надзвычай разнастайную прыроду, шчырых і добразычлівых людзей. Летась Асіповічы ўрачыста адзначылі 145-ю гадавіну з дня свайго нараджэння. Датай заснавання горада лічыцца 17 лістапада 1872 года, калі тут пачала функцыянаваць адна з найбуйнейшых станцый Лібава-Роменскай чыгункі ў Расійскай Імперыі. Назву яна атрымала ад найбліжэйшага на той час пасёлка Асіповічы. Потым імя атрымаў у спадчыну горад.


Сёння гэта буйны чыгуначны і прамысловы вузел, які імкліва развіваецца і прыгажэе. І шмат што для сваёй малой радзімы робяць тутэйшыя ўраджэнцы. Дастаткова ўспомніць алімпійскіх чэмпіёнаў братоў Аляксандра і Андрэя Багдановічаў, былога камандуючага паветрана-дэсантнымі войскамі Расійскай Федэрацыі Георгія Шпака, мастака Уладзіміра Стальмашонка. Кожны год спіс ганаровых грамадзян Асіповіч павялічваецца. Сёлета ў яго трапілі вядомыя ўраджэнцы Асіповіцкага краю: колішні міністр эканомікі Уладзімір Зіноўскі і генеральны дырэктар спартыўнага комплексу «Мінск-Арэна» Мікалай Ананьеў.

У горадзе працуе шмат буйных прадпрыемстваў, якія добра ведаюць далёка за межамі краіны. Мацнеюць міжнародныя сувязі і завязваюцца новыя дзелавыя кантакты. Нядаўна горад наведала дэлегацыя з Кітайскай Народнай Рэспублікі і быў падпісаны мемарандум аб устанаўленні сяброўскага супрацоўніцтва паміж горадам Янчжоу правінцыі Цзянсу і Асіповіцкім раёнам.

Нэлі ЗІГУЛЯ

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».