Вы тут

Каб дапамагчы дзецям, беларусы прабеглі больш за 30 тысяч кіламетраў


У дабрачынным марафоне «Бягучыя гарады» ўзялі ўдзел больш за 5 тысяч беларусаў, якія прабеглі 30 тысяч кіламетраў, сабраўшы тым самым рэкордную суму — 165 тысяч рублёў. Сродкі пералічаны шасці дзіцячым рэабілітацыйным цэнтрам.


Рэспубліканская дабрачынная акцыя праходзіла ў межах праекта #velcombegom з 23 ліпеня па 2 верасня пры падтрымцы Міністэрства аховы здароўя і ахапіла ўсе вобласці. Дыстанцыі, якія пераадолелі ўдзельнікі, пайшлі ў залік пэўнаму рэгіёну. Кампанія velcom, арганізатар акцыі, падлічыла кіламетры, перавяла іх у грошы і пералічыла сродкі рэабілітацыйным цэнтрам. У выніку пераможцай стала Гродзенская вобласць — яе ўдзельнікі сумарна пераадолелі больш за 7 тысяч кіламетраў. На другім месцы — Гомельская вобласць з вынікам 5960 кіламетраў, трэцяе месца ў Брэсцкай вобласці — 5040. Астатнія месцы раздзялілі паміж сабой Магілёўскі рэгіён — 4927 кіламетраў, Віцебскі — 4823 кіламетры і Мінскі — 4157 кіламетраў.

Удзельнікі акцыі ставілі і асабістыя рэкорды. Самы доўгі забег на рахунку Пятра Рагойшы з Брэсцкай вобласці: за 12 гадзін ён пераадолеў 108 кіламетраў. Жыхарка Бабруйска Вольга Няжэльская за 12 гадзін прабегла 89,3 кіламетра. А самы масавы забег адбыўся ў Гомелі — 25 ліпеня на старт у абласным цэнтры выйшлі каля тысячы ўдзельнікаў. Падтрымалі акцыю і знакамітыя спартсмены. Біятланістка Надзея Скардзіна, напрыклад, падарыла свае кіламетры сталічнаму рэгіёну. Яму ж дадала 134 кіламетры і Дырэкцыя Еўрапейскіх гульняў.

Такім чынам, 40 тысяч рублёў атрымаў Гродзенскі абласны цэнтр медыцынскай рэабілітацыі дзяцей-інвалідаў і хворых дзяцей псіханеўралагічнага профілю. Гомельскаму абласному дзіцячаму цэнтру медыцынскай рэабілітацыі «Верасок» пералічана 35 тысяч рублёў, а 30 тысяч рублёў накіравана Брэсцкаму абласному цэнтру «Тамашоўка». Магілёўскі дзіцячы цэнтр медыцынскай рэабілітацыі «Космас» атрымаў 25 тысяч рублёў, 20 тысяч рублёў — абласны дзіцячы рэабілітацыйны аздараўленчы цэнтр «Ветразь» (Віцебская вобласць), 15 тысяч рублёў — дзіцячы рэабілітацыйны цэнтр «Пухавічы» (Мінская вобласць).

— Як паказала наша акцыя, у Беларусі шмат нераўнадушных людзей. Дабрачынны праект праходзіць чатыры гады, і кожны раз нашу ініцыятыву падтрымліваюць тысячы беларусаў, — адзначыў першы намеснік генеральнага дырэктара кампаніі velcom Мікалай Юшкевіч. Арганізатары паабяцалі, што ў праекта абавязкова будзе пяты сезон, які стане не менш запамінальным і карысным, чым папярэднія.

Алена КРАВЕЦ

Выбар рэдакцыі

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.

Калейдаскоп

Каля 150 спартсменаў-аматараў хочуць выступіць у «даеўрапейскіх гульнях»

Каля 150 спартсменаў-аматараў хочуць выступіць у «даеўрапейскіх гульнях»

Трэніроўкі і здымкі ўдзельнікаў пачнуцца ў красавіку.

Грамадства

Сувораўскае вучылішча вачыма яго навучэнцаў

Сувораўскае вучылішча вачыма яго навучэнцаў

Быць сувораўцам ва ўсе часы было прэстыжна.