Вы тут

У Гомелі завершана справа аб хабары ў 70 тысяч долараў


Як паведаміла афіцыйны прадстаўнік УСК па Гомельскай вобласці Марыя Крываногава, перад судом па справе 2008 года паўстане апошні абвінавачваны, які знаходзіўся ў міжнародным вышуку.


Па даных следства, антыкрызісны кіраўнік збанкручанага ТАА «Белаграпрад» уступіў у злачынную змову з заснавальнікам ТДА «Цэнтр нерухомасці» і яшчэ адным жыхаром горада Гомеля для таго, каб за хабар аказаць садзейнічанне дырэктару ТАА «Аўтаінвесткапітал» у набыцці ў абласным цэнтры будынка крамы ТАА «Белаграпрад».

Два зламыснікі павінны былі атрымаць ад дырэктара ТАА «Аўтаінвесткапітал» у якасці хабару для антыкрызіснага кіраўніка грашовыя сродкі ў суме 70 тысяч долараў. Аднак саўдзельнікі кіраўніка ў мэтах асабістага ўзбагачэння шляхам падману завысілі суму хабару на 30 тысяч долараў, пераканаўшы дырэктара перадаць увогуле 100 тысяч долараў.

Згодна са злачынным планам, антыкрызісны кіраўнік забяспечыў на аўкцыёне, праведзеным з парушэннем устаноўленага парадку, набыццё дырэктарам ТАА «Аўтаінвесткапітал» аб'екта нерухомасці, які цікавіў яго, па выгаднай цане. Перададзеныя дырэктарам у якасці хабару грошы ўдзельнікі злачынства падзялілі паміж сабой, пры гэтым кіраўнік атрымаў толькі 10 тысяч долараў.

Заснавальнік ТДА «Цэнтр нерухомасці», антыкрызісны кіраўнік і хабарадавальнік — дырэктар ТАА «Аўтаінвесткапітал» былі прыцягнутыя да крымінальнай адказнасці яшчэ ў 2009 годзе. Чацвёртаму фігуранту ўдалося збегчы.

Па інфармацыі аператыўнікаў, «уцякач» меў крымінальныя сувязі як у Беларусі, так і за яе межамі. Таксама ён мог мець дачыненне не менш чым да дзвюх злачынных груп, якія дзейнічалі на тэрыторыі Гомельскай вобласці ў 2000-х гадах.

Абвінавачваны хаваўся ў Прыморскім краі Расійскай Федэрацыі, дзе займаўся прадпрымальніцкай дзейнасцю. Мужчына быў затрыманы праваахоўнымі органамі суседняй дзяржавы і этапіраваны ў Беларусь.

Следчае ўпраўленне УСК па Гомельскай вобласці кваліфікавала дзеянні абвінавачванага па ч. 6 арт. 16, ч. 3 арт. 430 (дапамога ў атрыманні хабару групай асоб па папярэдняй змове ў асабліва буйным памеры), ч. 4 арт. 209 (махлярства, учыненае групай асоб у асабліва буйным памеры) Крымінальнага кодэкса Рэспублікі Беларусь.

Крымінальная справа перададзена ў пракуратуру для накіравання ў суд.

Сяргей КУЛАКОЎ

Загаловак у газеце: Да пары збан ваду носіць...

Выбар рэдакцыі

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.

Грамадства

Як ператварыць звычайны ўрок беларускай літаратуры у творчую майстэрню?

Як ператварыць звычайны ўрок беларускай літаратуры у творчую майстэрню?

Настаўнікі ўпэўнены: ці будуць вучні чытаць, у многім залежыць ад іх саміх. 

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.