Вы тут

Каму «Свежы вецер» прынясе «Хрустальнага зубра»?


Нацыянальны дзіцячы адукацыйна-аздараўленчы цэнтр «Зубраня» праводзіць XІV фестываль-конкурс дзіцячых сродкаў масавай інфармацыі «Свежы вецер».


Да ўдзелу ў ім запрашаюць вучняў 7—9 класаў, якія займаюцца журналістыкай, удзельнічаюць у падрыхтоўцы і выпуску радыё- і відэапраграм, інтэрнэт-блогаў, дзіцячых газет і часопісаў. Тым, хто хоча паспрабаваць свае сілы ў творчым спаборніцтве, неабходна да 15 верасня накіраваць у аргкамітэт заяўку і конкурсныя матэрыялы, паведамілі ў галоўным упраўленні па адукацыі Мінаблвыканкама.

Ахвотныя павінны прадставіць тры апошнія выпускі выдання, блогеры — суправаджальнае эсэ з апісаннем мэты вядзення блога і інтэрнэт-спасылку на рэсурс, радыё- або тэлепраграму, працягласць якой павінна складаць не больш за 7-8 хвілін.
У ліку патрабаванняў да матэрыялаў — змястоўнасць і інфармацыйная насычанасць, адпаведнасць структуры і фармату, арыгінальнасць афармлення і тэхнічнага выканання, сацыяльная значнасць, грамадская і тэматычная накіраванасць.

Для ўдзелу ў фінале, які адбудзецца ў кастрычніку — лістападзе, будуць адабраны найлепшыя работы. Пераможцы фестывалю-конкурсу атрымаюць галоўны прыз — «Хрустальнага зубра». Вынікі будуць апублікаваныя ў сродках масавай інфармацыі і на афіцыйным сайце «Зубраняці». Мэта мерапрыемства — стварэнне ўмоў для эфектыўнага фарміравання інфармацыйнай культуры, патрэбы да самарэалізацыі вучняў у галіне дзіцячай журналістыкі. Арганізатарам конкурсу выступае Міністэрства адукацыі.

Сяргей РАСОЛЬКА

Выбар рэдакцыі

Палітыка

Як галасуюць рэгіёны на выбарах Прэзідэнта

Як галасуюць рэгіёны на выбарах Прэзідэнта

Расказваюць нашы карэспандэнты.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.