Вы тут

У Гродзенскай вобласці адбылося тры пажары з-за ўдараў маланкі


У Гродзенскай вобласці адбылося тры пажары з-за ўдараў маланкі, паведамілі ў Міністэрстве па надзвычайных сітуацыях.


Ноччу ў 1.49 навагрудскія ратавальнікі прынялі паведамленне аб пажары ў вёсцы Руда. Як расказала 80-гадовая гаспадыня, у гэтую ноч яна прачнулася ад удару маланкі, разбудзіла сына, і яны разам пакінулі дом. Крыху больш за паўгадзіны пайшло ў работнікаў МНС на барацьбу з полымем. У выніку пажару пашкоджаны сцены, знішчаны дах, перакрыцце, маёмасць у доме. Прыкладна ў гэты ж час гарэлі гаспадарчыя пабудовы ў вёсцы Пацавічы Іўеўскага раёна і ў вёсцы Намейкі Шчучынскага раёна. У хлявах знішчаны дахі, пашкоджаны сцены. У абодвух выпадках найбольш магчымая прычына пажару — праява сіл прыроды (удар маланкі).

У 3.26 ратавальнікам паступіла паведамленне пра пажар у вёсцы Малькі Браслаўскага раёна. На месцы высветлілася, што ў выніку навальніцы і пападання разраду маланкі абрынулася кладка дома, разбіліся вокны, разбураны франтон, пашкоджана печ і маёмасць. Агню ў момант прыезду ратавальнікаў не назіралася. Пацярпелых не было. Жыллё непрыдатнае для далейшага пражывання, сям'я часова спынілася ў родных.

Па звестках МНС, з пачатку года ў зводках ратавальнікаў больш за
90 пажараў звязаны менавіта з праявай сіл прыроды.

Сяргей РАСОЛЬКА

Загаловак у газеце: Прычына пажараў — восеньскія навальніцы

Выбар рэдакцыі

Грамадства

Рэспубліканскі суботнік прайшоў у Беларусі

Рэспубліканскі суботнік прайшоў у Беларусі

Ён прымеркаваны да Года малой радзімы.

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў. 

Культура

Што паглядзець у брэсцкім музеі выратаваных каштоўнасцяў

Што паглядзець у брэсцкім музеі выратаваных каштоўнасцяў

Брэсцкі музей выратаваных каштоўнасцяў можна назваць мясцовым Луўрам — калі ўвогуле дарэчы параўноўваць адну культуру з іншай.