Тэлевізійная гульня «Размаўляем па-беларуску», якая ідзе на тэлеканале «Беларусь 3», — з верасня пачала новы сезон. Для таго каб стаць яе ўдзельнікамі, неабходна зайсці на сайт tvrgomel.by або 3belarus.by і праз банер «Размаўляем па-беларуску» запоўніць заяўку на каманду з трох чалавек. Ну а праверыць сваё веданне роднай мовы пасля таго, як праграма выйшла ў эфір, можна з дапамогай «Звязды».
Ці ведалі вы, што:
вочап — шост з калодзежным вядром;
зябліва — узаранае з восені поле;
пахватны (абласн.) — зручны для карыстання, лёгкі;
звадлівы — схільны да сварак і склок;
жалейка — дудачка з раструбам;
весніцы — вароты ў двор або ў поле;
браць ногі ў рукі — уцякаць, хутка пакідаць месца падзей (беларусы яшчэ скажуць: даваць драла, даваць лататы; рускія: задавать стрекача, сматывать удочки);
выцягвацца ў нітку — рабіць амаль немагчымае, каб дасягнуць мэты (беларускія сінонімы: вылузвацца са скуры, зямлю грызці; рускі адпаведнік: разбиваться в доску).
Для тых, хто разважае пра свой удзел у тэлепраграме, нагадаем: каб стаць удзельнікамі, неабходна зайсці на сайт tvrgоmеl.bу або 3bеlаrus.bу і праз банер «Размаўляем па-беларуску» запоўніць заяўку на каманду з трох чалавек. Паўторы выпускаў тэлевіктарыны — у ранішнім эфіры «Беларусь 3» кожную суботу.
Ірына АСТАШКЕВІЧ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
