26 Верасень, серада

Вы тут

Аляксандр Лукашэнка: Мы павінны мець мільярдны тавараабарот з Іранам


Такое меркаванне выказаў Прэзідэнт на сустрэчы са старшынёй Сходу ісламскага савета Ірана Алі Ларыджані.


У пачатку мерапрыемства кіраўнік дзяржавы адзначыў, што яму прыемна сустракаць старшыню Сходу ісламскага савета ў Мінску. "Я ўпэўнены, што па выніках вашага візіту можна будзе адназначна сказаць, што нашы адносіны падняліся на больш высокі ўзровень", – заявіў беларускі лідар.

Аляксандр Лукашэнка дадаў, што Беларусь і Іран маюць бліскучыя палітычныя адносіны, але гандлёва-эканамічныя адносіны павінны быць на больш высокім узроўні.

"300-400 мільёнаў долараў – гэта мізэрна для патэнцыялу Ірана і Беларусі. Мы павінны мець мільярдны тавараабарот", – падкрэсліў Прэзідэнт.

Ён адзначыў, што нашым краінам трэба выбудоўваць не проста партнёрскія адносіны, “яны павінны быць як у вельмі дружалюбных і блізкіх дзяржаў”. Тым больш, дадаў беларускі лідар, што ў нас для гэтага ёсць усё неабходнае: тавары, крытычна важныя для Ірана, а Беларусь можа закупляць у Іране вялікую колькасць тавараў, якія набываюцца на міжнародных рынках.

"Праблема ў адным: калі мы дамовіліся, значыць, жалезабетонна павінна быць выканана, – звярнуў увагу Прэзідэнт. – Мы сваю частку шляху – гэта я вам гарантую – пройдзем дастойна".

У адказ Алі Ларыджані падзякаваў Прэзідэнту за магчымасць наведаць Беларусь. Паводле яго слоў, Аляксандр Лукашэнка адыграў вельмі важную ролю ў дасягненні незалежнасці краіны. "У нас таксама такое меркаванне, што Рэспубліка Беларусь з'яўляецца дружалюбнай для нас краінай, і мы цалкам ёй давяраем", – падкрэсліў ён.

З першых вуснаў

Па выніках сустрэчы Алі Ларыджані сустрэўся з журналістамі. Ён адзначыў, што Беларусь і Іран пастаянна праводзяць кансультацыі на міжнародным узроўні па важных рэгіянальных пытаннях. Акрамя таго, парламентарый падкрэсліў вельмі добры ўзровень міжпарламенцкіх адносін.

Па словах Алі Ларыджані, у Аляксандра Лукашэнкі былі добрыя ідэі па пашырэнні гандлёва-эканамічных адносін дзвюх краін. "Ёсць шмат патэнцыйных магчымасцяў у Іране і Беларусі, якія варта актывізаваць. Мы абмяркоўвалі пытанні супрацоўніцтва ў сельскай гаспадарцы, прамысловасці. Абавязкова будзем абмяркоўваць гэтыя пытанні са сваімі калегамі ў парламенце Беларусі", – дадаў ён.

Адказваючы на пытанне аб магчымам супрацоўніцтве дзяржаў у нафтавай сферы, парламентарый сказаў: "Якраз адзін з аспектаў нашага гандлёва-эканамічнага супрацоўніцтва тычыцца нафты. Але мы абмяркоўваем усе аспекты гандлёва-эканамічных адносін”.

Пра двухбаковае супрацоўніцтва:

У студзені-ліпені 2018 года тавараабарот паміж Беларуссю і Іранам склаў 42,6 мільёна долараў, што складае 64,1 % ад паказчыка аналагічнага перыяду мінулага года. У Іран экспартавана беларускіх тавараў на суму 36,2 мільёна долараў. Імпарт іранскай прадукцыі ў Беларусь – 6,4 мільёна долараў. Сальда ўзаемнага гандлю – станоўчае для Беларусі і складае 29,8 мільёна долараў.

Экспарт беларускіх паслуг за студзень-чэрвень 2018 года склаў 6,46 мільёна долараў, што складае 113,6 % да паказчыка аналагічнага перыяду 2017 года. Імпарт паслуг з Ірана – 2,06 мільёна долараў (рост у 7,2 раза). Сальда станоўчае для Беларусі ў памеры 4,4 мільёна долараў.

У першым паўгоддзі 2018 года прыцягнута 6,3 мільёна долараў іранскіх інвестыцый, што складае 188 % да аналагічнага перыяду 2017 года. З іх 4,75 мільёна долараў – гэта прамыя інвестыцыі.

Уладзіслаў ЛУКАШЭВІЧ

Дадаць каментар

Выбар рэдакцыі

Палітыка

Уладзімір Андрэйчанка расказаў пра найбольш значныя законапраекты

Уладзімір Андрэйчанка расказаў пра найбольш значныя законапраекты

 «Толькі агульнымі намаганнямі мы зможам супрацьстаяць няпростым выклікам часу».

Грамадства

Як у Беларусі абясшкоджваюць боепрыпасы

Як у Беларусі абясшкоджваюць боепрыпасы

​Колішняя Беларуская ваенная акруга лічылася адной з самых магутных у СССР.

Грамадства

Выхоўваць ці любіць? Шчырая размова з педагогам пра бацькоўскія страхі

Выхоўваць ці любіць? Шчырая размова з педагогам пра бацькоўскія страхі

«Калі ў вас адкрыўся рот, каб накрычаць на дзіця, спыніцеся хоць на секунду…» 

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі.